(29/4/2005, fri)
今朝早返micro.bio. 本應十二點幾先放, 不過我上到9.30am, 簽埋attendance就走o左, 因為要同外婆佢o地去飲茶. 我去o左locker攞埋本med-sur vol. 2 & 之前d MIN notes返屋企放低先.
呀~~~~~ 好重ar~~~~~~*_________*
落車之後買o左d mini fruit tarts俾佢o地食. 經過天橋, 見到有個阿婆o係o度賣花, 其中有火百合. 我忍不住望多o左眼, 個阿婆見到我o係o度望, 本來叫緊"十五蚊枝"o既, 即時轉口話"十蚊枝!十蚊枝!"~~ 我見佢成日o係o度擺賣, 又唔見得有人買, 加上佢又賣到咁平, 咁我就停低幫佢買la~ 佢一次過塞o酉三枝俾我~ oh~~~~~ 太正la~! 平時廿幾三十蚊枝o既火百合, 依家三十蚊就有三枝la~^3^
火百合真係好~~~~~靚~~~~ar~~~~~~! ^0^
不過又攞書, 又攞fruit tarts, 又攞花, 係十分之痛苦ga...~.~"
食完fruit tarts 就去龍翔中心飲茶, 之後去黃大仙影相, 幫佢o地做photographer~ 去完黃大仙, 竟然係去金紫荊廣場...好...遠ar...~.~ 不過算la~ 外婆好想去, 而且咁多年大家都好少機會見, 加上外婆勞碌了大半生, 都無機會見下世面, 享受下, 依家我有機會孝順佢, 真係要好好珍惜~!
我o地搭地鐵去灣仔, 再步行N咁多分鐘, 經過兩大條天橋, 再穿過會展中心先去到金紫荊廣影相~~~ 難得地, 我竟然認到路, 可以帶路law~~*.* 佢o地真係好犀利, 行極都唔會攰, 外婆七十幾歲人, 行路過馬路仲快過我~!*0*... 去完金紫荊就行去碼頭搭去紅磡. o係吉之島行o左一陣, 佢o地又掃下貨, 試下食咁~:p 二姐話鄉下都唔同o左好多, 依家有商場, 不過d貨o既quality就無咁好... 買完o野我o地又要行...行去"漁人碼頭"o個o度o既"桶骨棧"o度食~ 因為大伯o係o個o度返工~ 講真, 我從來都唔知有"漁人碼頭"呢個地方, 更加唔知有"桶骨棧"呢間o野. 不過去到就覺得間o野好正~! 雖然d食物算不上是什麼華麗菜色, 但個view就------超正!! 無敵海景! 我o地睇住黃昏至入夜, 黃昏個view靚, 夜晚個view都好靚~ 仲要o係正海逸豪園隔離~ 對住咁靚o既view, 真係食咩都覺得好味d~~~ 因為大伯o係o度做, 所以有discount, 六折, 埋單七個人, $440.
食完之後媽咪要返聖堂還key, 大伯同三個堂家姐去旺角買mobile, 而我就同外婆一齊搭車返屋企. 我好叻ar~! 可以一個人帶住外婆由紅磡返到去慈雲山~~~*0* 哈...實情...只需o係家維邨搭5c就可以返到ga la...:p
夜晚煲定喳咋, 放入真空煲, 聽晚就有得食lu~ 呵呵~~~~
***************************************************************************
雖然同三個堂家姐好少contact, 但感覺好親切. 一向對住阿爸o個邊d親戚(嫲嫲, 兩個uncle, 一個阿嬸, etc), 佢o地都係好cheap, 好奸, 好小家; so called"一家人"卻乜都計到盡, 又小心眼, 同佢o地相處真係好annoying. 但媽咪鄉下d親戚就唔同, 大家都好真, 就算唔係好多o野傾, 都知道彼此係當大家做"一家人".
好耐都無試過咁珍惜同親戚相處的時間, 雖然上堂中途走o左好衰, 但俾我選擇多一次, 我都係會早走. 一年先同得外婆飲一次茶nei~ 人與人之間真摰的感情愈來愈少, 若如今找到真摰的親情, 就要努力去維繫. 老人家呢d o野真係...講唔埋, 今次見佢仲好生猛, 好有魄力, 但一年後, 兩年後...就好難講. 所以...今日仲有機會拖住外婆隻手, 帶佢周圍去, 真係要感恩~!
咁多年無見, 二姐同三姐同我講番我細個返鄉下, 佢o地就帶我去玩. 佢o地記得我以前o係o度追住d豬仔, 覺得我o個陣時好得意~ 我就記得以前d雞識飛上張床o度, 好得人驚~!@_______@"
佢o地係咁叫我搵日返鄉下睇下, 講真, 我都好想~ but...
time is matter...
文章定位：
