(14/10/2004, Thur)
今朝又遲o左起身, 8.30am先去到jordon, 仲要gracia話俾我聽佢o地去o左醫院個seminar room o度上HM I seminar, 真係十級狼狽~~~ >______< 當我好趕時間咁o係地鐵站行返去時, 沿途經過DGS, 見到有個男人趴o左o係DGS門口對出o既位置, 旁邊有校工o係o度, 叫途人唔好行近. 我見狀就走上前問個校工發生咩事, 佢話個男人行行下突然仆倒, 然後起唔到身, 佢o地驚個男人會脫臼, 唔敢扶佢起身, 所以call o左白車. 當時我好想走去個男人身邊, 因為我想: "若然我係佢, 當我趴o左o係地上, 而又無人理我, 走過o黎慰問我, 我會覺得頗難堪... 好似被遺棄一樣, 一定不好受...", 所以我覺得, 如果我可以走上前同佢講一聲"唔駛驚, 好快會有白車o黎", 又或者輕輕拍一拍佢個shoulder, 可能佢會feel better, 但我又想:"除此之外, 我還能做什麼呢? 是否講完就走? 應否留低陪佢等到白車o黎?" by the way, 我已經遲到ga la, 到底stay, or not to stay? 結果我決定...
繼續趕返學校...
之後我一路走, 直到完o左seminar時都好後悔... 因為我想起了以下o既歌詞:
"光陰怱怱多少機會身邊經過? 誰能伸手獻出關懷不再退避?"
其實我已經唔係第一次miss o左個機會ga la... 上次見到個婆婆拉唔到架車(裝滿o酉紙皮箱)上行人路, 我已經走o左去, 無幫手ga la...(當時我就o黎遲到), 當時我決定走, 係因為直覺話俾我知我係唔夠力, 拉架車上o黎o既, 但當我行o左一陣, 就想到: 既然那弱小的老婆婆都能夠推動架車, 那我為何不能呢? 到底我是"不能", 還是"不為"...??
慶幸當日不太曬, 那個男的相信不會太辛苦吧...
我一定要去學first aid, 考番個牌返o黎...
************************************************************************
今日HM II tut 要分組教做運動, 有個同學帶o左個毽番o黎玩.. Break o個陣我去開locker, 開完locker我見佢o地o係lab 3玩得咁開心, 結果我同阿雯 & angela又走埋過去玩~ 哈哈~~ 好好玩ar~ 其實細個都好少玩踢毽, 原來係幾好玩ga~ 哈~ 原來除o左badminton之外, 我都識玩踢毽o既~~~(當然係玩得唔叻la…^___^;)
下午做運動. 嘩~~ d同學好勁ar~ yoga都識~ d動作…咁難~ 點做ar~~~~ 本來我o個組諗住教大家做熱身而已, 點知一開始就有人教o左, 所以我o地即刻諗過第二d o野~ 結果教o左做眼部運動 & 收肚腩(純粹係o係magazine o度睇番o黎, 之前根本無試過……>.<). 唐唐教耍太極真係笑死我~ 佢做到勁似個伯父~~~ 耍耍下我諗番以前 ms so教我o地耍太極o既情景……好懷念同大家一齊上PE堂o既日子……
放學同阿雯, angela & laura去o左M block o度溫書, 做HANP份功課, 因為上堂無番, 都唔知應該點做, 之但係原來番o左o既都唔知exactly應該點做~
做到咁上下我就話想試下用library 出面部beverage machine去買杯朱古力飲, and then 阿雯又話想睇下點用部機, laura又話想去canteen買三文治, 所以我o地三個就出o左去~ 入錢落部機o度時, 我意為d錢入唔到, 所以摸o左一摸個找續tray, 點知一摸! 竟然俾我摸o左五個一蚊出o黎!!! 嘩~~ 佢o地兩個一見到就話要買多杯o野飲~~ 點知佢o地買o左杯coffee, 但laura係唔飲得coffee o既, 因為佢話好苦~~ 好豬~~~ ^0^ 唉~ 見laura飲杯coffee飲得咁悽涼, 結果我o地飲到一半時就交換o左杯o既飲~ 之後我同laura去醫院canteen買o左份蛋治, 勁呃錢! >”< 返去M block途中, laura仲上演o左一幕 “救蛋”, 又係笑死我la~^0^
返到屋企無溫書, 因為實在太眼瞓la……
文章定位：
