@~Emmanuel~@ @~Emmanuel~@ Everyday, everywhere, every minute, every second...... Where Love Flows, Happiness Follows It only takes a few seconds to open profound wounds in those they love, and it takes many years to heal them......

119愛的鼓勵 0訂閱站台

今晚delon 約o左我同mum出去amoy garden o度食dinner, 話慶祝我入到nursing wor~~ 哈哈! 其實都無咩咁特別要慶祝o既~ 不過食飯都好ar~ 因為又係好耐無見delon lu~~ 講起delon, 就真係要介紹下佢la~~ 實情佢本來係我mum o既朋友, 不過之後亦成為我同家姐o既朋友~ 佢好似男人(不論外形或處事為人都係), 實情佢係女人, 仲記得佢o黎睇我受浸o個日, d 弟兄姊妹一見到佢就問我佢係唔係我爸爸......^____^;; 結果我話俾佢o地知, delon係女人, 搞到大家呆o左~~~~ 之後雄雄睇番d相時見到delon, 又係問我同一條問題, 我又答同一個answer, 結果佢"下!?!"得勁大聲~~~ 哈哈! 算la~~ delon都慣ga la~ 反正佢又唔知, 無所謂la~

我五點幾去到amoy garden join mum & delon, 之後閒逛o左一陣, 就去"愛晚亭" 食飯. "愛晚亭"o既環境確實唔錯, 因為delon食o野一向都睇店內環境先o既, 所以佢就recommend o黎呢間. 之後就開始睇餐牌, 好頂癮咁delon話由我"發牌"(點菜), 之但係佢同mum話佢o地近排"熱氣", 結果我想點o既菜好多都係點唔到~~~ 然後好辛苦咁終於點o左: "東坡肉", "小籠包", "生煎包", "鍋貼", "擔擔麵", "勝瓜肉片湯".
"東坡肉": 油膩, 汁浠, 細碟, 只有四小塊. 上枱時若未加留神, 還意為是什麼"醬油"~.~
"小籠包": 皮薄汁多, 只嫌肉餡味道不夠突出, 上枱時不夠新鮮熱辣~ 沾用的薑醋亦太浠.
"生煎包": 包煎得香, 但可惜油太多, 同樣肉餡味道不夠突出, 相信"小籠包", "生煎包", "鍋貼"都是用同一款餡料.
"鍋貼": 煎得金香, 同樣油太多, 肉餡味道不夠突出.
"擔擔麵": 湯底尚可, 花生味足夠, 但就是不夠鮮味; 麵太韌, 跟鑽石山o個間老字號相比, 還有些距離.
"勝瓜肉片湯": 簡而言之, 就是"味精湯"...

哈! 其實間o野唔係話太差的, 只是自己太picky, 一向對食物都頗有要求, 若然唔係我都唔會咁鍾意煮食; 鍾意煮食, 就是想隨時吃到自己喜歡的食物哦~^.^~ 當然la~ 講到食呢樣o野, 真係好個人o既~ 人人口味不同, 我鍾意o既, 唔等於你都鍾意~ 我唔會勉強人, 別人也不用勉強我~~^^

之後埋單, 三個人, total $237, 我覺得唔多worth law...

走時delon又塞錢俾我~~~ 基本上見親佢都會塞錢俾我, 搞到我都唔好意思, 佢實在太錫我la~~ 佢今次塞o左二百蚊俾我, 於是我又塞番俾佢, 話唔駛咁客氣, 結果糾纏到咁上下, 我都知我係唔係都要收ga la~ 於是就話同佢"一人一半", 我塞番張一百蚊俾佢, 先至停止o左以上咁"師奶"o既行為...... ^____^;;
然後一齊去睇衫睇鞋, 佢見到我有意想買某樣product就會話買俾我~~ 結果我係唔係都話"我睇下ga ja~~~", 不過最終我都係買o左條裙, 好彩我俾錢俾得快, 如果唔係佢又會同我爭俾錢ga la~~~ ^.^ 條裙其實係秋天先至o岩著o既, 不過我見佢咁平又咁靚, 咪買o左先law~ 因為係特價o既, 所以無得試, 不過幸好都o岩著, 仲頗fit tim~~~ ^0^
************************************************************************
今日mum o係教堂捧o左個蛋糕返o黎, 我聽日就會攞返去教會俾d弟兄姊妹一齊去"解決"o個蛋糕~~ ^__________^
秘書整o既blueberry cheese cake 好好味ar~~~~~ 我好鍾意home-made dessert ga~