今日係中五弟兄姊妹放榜o既大日子, 約o左8am o係學校等o既, 點知今朝遲o左起身, 仲驚住會遲到, 雖然係咁, 但我都堅持用o左10分鐘去祈個“靚禱”先至出門口. 感恩! 我竟然不單止無遲到, 仲可以一早七點幾就去到McDonald's join 大家, 然後返到學校雨操場一齊禱告. 禱告過後就陪佢o地一齊“上路”~
其實我今次都無話mark邊個, 諗住睇下自己d組員o既情況, 我特別擔心Tweety & Stephanie, 不過Stephanie有阿哥陪, 所以我都係駐守5E班門口陪Tweety. 我一見佢o地入o左去就已經覺得好得人驚~~ 見到Tweety咁不安, 想喊咁, 搞到我都好想喊~ 然後又諗番兩年前o係個room裡面等, 當時我都無咩感覺, 但一聽到陳sir叫我個學號, 話at least夠14分, 我就即刻開心到喊o左出o黎~~ ^.^;
無幾耐就見到有人陸續行出o黎, o個d係夠14分, 可以去第二o度攞cert., 真係……強弱懸殊…5A得好少人留低無得走, 5E就只係得幾個可以走… 這有如社會的縮影, 令人感到無奈……
浩南出到o黎就喊la~ 我最怕見到男仔ga la~~ >____<" 見到佢喊我又想喊ar~~~ 等d人走得七七八八, 個老師就出o黎話我o地可以入去陪d學生(唔夠14分o個d), 入到去見到Tweety喊得好悽涼…
然後,
我都同佢喊埋一份……
跟住阿單o黎到, 傾o左一陣, 然後我就去library幫Tweety copy 成績 &
testimonial, 之後等埋Janet, Karan 就去崇蘭報repeat. 大家真係估唔到Janet升唔到, 靜儀都好無奈, 尋日大妹入o左LU, 喊到死咁濟, 今日細妹又要周圍搵學校…
然而都感恩Janet可以原校repeat, Tweety都可以去崇蘭repeat, 雖然會好辛苦, 咩都轉o酉用中文, 不過只要肯努力, 就一定會得ga!
另外, 今日再一次經歷到主.
話說我本來打算上午陪中五弟兄姊妹o既, 然後打電話去QE問下有無offer, 之後下午再去PolyU 攞registration form. 當我開始陪Tweety時, 就諗或許要陪佢走成日, 所以打算晏d先打電話去QE, 同埋聽日先搞registration d o野. 點知好感恩o既係, 當Tweety差唔多填完form 報repeat, 我又開始諗下午去registration o既行程時, 我就收到QE打o黎o既電話.
“我係QEo既XXX, 我想通知番你, 我o地HD Nursing會收你, 咁你下個星期三……”
嘩!!! 當時我開心到傻o左~~ 竟然問o個個女人:
“你o地真係收我ar~~~~~!?!”
真係好多謝主~~~~~~~ 之前我有Asso. 已經覺得好好, 依家有我想讀o既HD Nursuing, 我簡直覺得係 “奇蹟”!!
主o既供應真的很足夠, 祂的安排總是如此美好, 祂的時候總是不會延誤! 那是多麼的及時!!
其實我真的很渺小, 根本不配得主這樣為我悉心安排這一切一切. 但主就是這樣愛我~~~能夠認識到主, 真的是我這生最大的福份!
當我返到教會同弟兄姊妹分享, 佢o地都覺得好開心ar~~~~!
************************************************************************
o係教會留到夜晚, 然後同 Sean, Fly去 “花樣年華” 食dinner, 不過Fly因為要趕返去開會, 所以食完就走. Sean突然話去剪頭髮, 叫埋我去剪, 咁反正我都想修一修(上次剪得勁樣衰~~), 咪一齊去law~ 我o地o係條街o度行o左一個圈, 睇下邊間無咁貴. 結果都係行番去教會附近o個間salon剪.
我o個個stylist叫Tommy, Sean o個個係個女仔, 不過唔知叫咩名.
洗頭o個陣先搞笑~~ Sean 同幫佢洗頭o個個人勁多o野講~ 唔知o既仲以為佢o地係識ga law~~~ ^0^
洗完就剪la~ 今次剪頭同個stylist講o左幾多o野, 好耐都未試過lu~~
佢問我個頭電o左幾耐, 我話一個月o度, 跟住就話俾佢知我唔係想咁樣電o既, 咁佢又同我講o左d 電髮o既o野, 之後我講俾佢知我o個日電完之後返到屋企喊, 因為實在電得太肉酸la~~ 點知佢聽完就笑住咁問:
“咁你今晚剪完之後返到屋企又喊咁點算ar?”
我笑說: “咁我下次一定唔會再幫襯你~~” ^_____________^
然後無幾耐就發生o左一件勁搞笑o既事~~
話說我部電話o係期間響起o黎, 於是我同Sean講: “哎呀~我部電話響ar~ 點算ar…”點知我一講完, 我同Sean身後o個兩個stylists就即刻走去想幫我攞電話~~~~ 此舉確實嚇親我~~~ 於是我連忙同佢o地講:
“得ga la! 得ga la! 唔駛攞ga la~~~ 可以唔駛聽ga~~~真ga~~~~!!”
點知佢o地仲繼續搵我個電話, 於是我又同佢o地講:
“真係唔駛ga la~~! 可以唔聽ga! 你o地返o黎la~ 返o黎la~~~!!!”當時Sean都有幫我叫佢o地番過o黎.
電話就當然係搵唔到la~ 當佢o地過番o黎時, 我o地四個都忍唔住o係o度笑~~~~~ ^___^; 剛才簡直就好似一齣鬧劇咁~~~~
其實我去親剪頭髮都有d無奈ga~~ 因為我一除o左眼鏡就同盲o既無咩分別ga la~ 佢剪得好同唔好, 我都係事後帶番眼鏡先知, 通常到o左o個陣都係 “大局已定”ga la~~~~~ >w<”
Sean 早過我剪完, 等埋我就一齊去買d o野, 佢話俾我知原來頭先o個個女stylist以為我係佢o既女朋友, 仲o係佢剪完o個陣問佢係咪要等埋 “女朋友”~ 結果Sean 笑說話無答佢~~
哈!好彩Tommy無話sean 係我男朋友o者~ 如果唔係我都唔知點答佢~~~~
之前Tommy 問我係咪o岩o岩 “放工”, 我已經呆o左一下ga la~~~
“……我…o岩o岩form seven 畢業ja……”
“哦~~ 咁要搵工ga la wor?”
再一次------呆o酉law~~
“ae……係law……” ~ ~""
文章定位：
