@~Emmanuel~@ @~Emmanuel~@ Everyday, everywhere, every minute, every second...... Where Love Flows, Happiness Follows It only takes a few seconds to open profound wounds in those they love, and it takes many years to heal them......

119愛的鼓勵 0訂閱站台

話說尋日家姐講o左個鬼故俾我聽, 個鬼故...哈!勁白痴~~^0^

個鬼故係咁o既:
o係好耐好耐以前, 有個肥仔住o係一個小鎮裡面, 佢每日都會踏單車返學, 放學; 每一日都會經過同一段路, 看到同一樣的建築物.

有一日, 佢如常地踏單車放學返屋企, o係途中, 佢突然發現附近多o左一間書店, 於是佢就將架單車泊o係路邊, 然後入去間書店看看. 間書店的門面有點兒破舊, 裡面陰陰沈沈的, 肥仔o係書店裡環顧四周, 都不見一人, 於是佢大喊了幾聲:"有無人呀?"只是一直都無人回應. 正當肥仔想離開間書店時, 佢突然被旁邊的一本書吸引住, 那是一本講鬼故o既漫畫書, 那本書的封面顏色鮮艷, 圖片生動, 因此肥仔不自覺地拿起o個本書開始睇. 睇到三分一, 肥仔已經好鍾意呢本書, 覺得本書好好睇, 於是佢決定買呢本書返屋企~
佢去到counter, 大叫:"請問有無人呀?我想買書呀~~" 但無人回應, 於是佢再叫多次...今次當佢叫完時, 突然o係counter櫃後面有個老人彈出o黎!!
"小朋友~~~~有咩可以幫到你呀~~~~~~~"個老人陰聲細氣地問.
肥仔o岩o岩俾佢嚇o左一嚇, 驚魂未定.
"我...我....我想...買呢本書......書...呀......請...請問...幾...錢...錢...呀......?"肥仔好驚咁講.
"呢本書~~~~要$120蚊wor~~~~~~~~~~"老人答.
於是肥仔攞個銀包出o黎數錢
"我...我...得$100蚊ja...你...可唔可以...平...平d...賣俾我呀?"肥仔問.
老人諗o左一陣, 然後講:
"好la~~~~見係你~~~~就$100蚊賣俾你la~~~~不過......你要應承我一件事..."
肥仔一聽到話有得平, 就好開心, 一d都唔再驚.
"好呀!無問題!你想我應承你些什麼呀?"肥仔一邊說, 一邊數錢給老人.
"我要你應承我~~~~唔好睇呢本書o既最後一頁~~~~如果唔係......就後果自負la~~~~~~~~~~~~~~~"老人語帶恐嚇地說.
肥仔應承o左老人, 然後佢俾過錢, 就踏單車回家. 臨走時老人再三叮囑:"記住唔好睇最後一頁呀~~~~~~~"
肥仔一回到家, 便繼續睇o個本書...直至只剩下最後一頁未看.肥仔好想揭開最後一頁看個究竟, 但他記得自己應承過老人, 於是佢就放低本書, 去廚房拿飲品. 正當佢準備打開房門之際, 忽然有一陣陰風從窗外吹進來, 並且吹開了那本書的最後一頁!!
肥仔心想:"哈!不是我揭開ga~咁...既然都揭開o左law, 睇下都無妨吧!"
於是佢走近那本書, 一望, 可怕o既事就即刻發生la~~~~~~~~肥仔望完最後一頁之後, 立時面色一變, 下一秒就暈低o左la!!!

書的最後一頁寫著:

"此書原價$120, 特價------$50!!!"

========================================================================
哈!係咪勁白痴呢~~尋日當我一聽完時, 我即刻問家姐係咪佢男朋友講俾佢講, 佢話係, 仲問我點解會估到~
唉~~~~基本上佢個男朋友就係咁o既level, 點會估唔到呀?? 唔係佢仲會有邊個咁無聊ar!?!
家姐同我講係佢之前唔開心, 佢男朋友想逗佢笑, 所以就講o左個咁低能o既鬼故俾佢聽~^.^~ 知道o左之後突然覺得都幾有意思~~

畢竟有個愛你o既人肯去為你做d咁白痴o既o野,確實係一件好幸福o既事o黎gei~~^^