今日係放完"大假"後第一日返工.
尋晚波波話d小朋友個個都好乖, 好聽話, 於是我今日返工途中買o左包super-lemon返去獎d小朋友食~返到去就見到miss lai坐o係個reception table前睇書(miss chong仲未返), 見唔到d小朋友, 不過聽到佢o地d大笑聲, miss lai話pinky, gilda, 芷茵, nelson, 嘉晴佢o地o係細房o度玩緊. 其實佢o地個個考o酉試, o黎到真係淨係玩ga ja~ 我放底o左個袋就開始同miss lai傾偈, 佢做埋今日就quit ga la, 所以見有機會大家就傾多兩句, 其實佢真係算係幾好o既colleague o黎ga, 通常佢都係做鬧人o個個"醜角", 我就做"好好人o既miss lee"~~^^ 佢話我瘦o左, 佢好羡慕wor, 之但係我同佢講我寧願肥番d law...跟住講到點解食凍o野會容易瘦la~~~講到一半, 就聽到pinky打開個房門, o係o度大叫: "快d出o黎la!miss lee應該返o左o黎ga la!!" 轉下頭佢就飛o左出o黎, 一見到我就大叫"miss lee~~你終於都返o黎la~~~"之後佢同gilda就係咁攬住我!哈哈!見佢o地咁掛住我, 我梗係開心la~~ ^0^ gilda 仲攞佢部手提出o黎同我影相~佢話係生日禮物wor, 嘩!!小五學生, 駛唔駛有部二千幾蚊, 兼具影相功能o既手提ar!?! 之後佢o地三個女仔o係o度b le ba la, pinky話好鍾意我送俾佢枝筆la, and then佢o地就話我偏心la...o係呢個時候我就攞d糖出o黎"塞"住佢o地把口la~~哈!幾犀利!! :-p
之後同d girls 玩"連珠", 然後同佢o地玩"食棋". 後尾我仲教埋pinky玩"食棋"o既秘訣tim~等佢o地走o左之後就輪到家和, 俊謙o黎到, 家和話玩棋, 於是又玩波子棋. 實情呢...miss lee淨係識得玩波子棋ga ja... *.*; 玩o左兩rounds, 佢o地就同埋子森入房玩層層疊, "草菇"(嘉浚)o黎到無join佢o地, 佢話想睇下書先wor~ 然後miss chong 見班boys 開始想作反, 於是叫o左我同jason & 草菇一齊玩"scrabble". 嘩~~玩死人咩~~~根本我o地就唔想玩ar...大家"對峙"o左成半個鐘, 結果jason頂唔順, 於是問:"有無人...贊成終止呢個game ar..."其實我勁想唔玩ga~~之但係miss chong企o係我後面, 如果我即刻贊成唔玩o既話, 咁miss chong會好難落台ga ma~話o酉佢咁大力recommand我o地玩"scrabble"...不過好彩miss chong見到草菇同埋jason玩得咁痛苦, 佢都話:"好la好la!咁你o地執番副scrabble先玩過第二樣la~"and then jason就話玩層層疊. 佢o地玩得好緊張ga~~我同佢o地講小心唔好推到張枱, 如果唔係就當佢o地輸, 搞到草菇一攞完木條, 輪到fiona 攞時, 即刻叫埋jason一齊舉高雙手, 話千祈唔好掂到張枱~~哈!見到佢o地兩個好似"投降"咁舉高雙手睇住fiona攞木條時, 真係覺得...佢o地好傻豬ar~~~~^0^
之後miss lai坐o左o係我隔離睇書, 我望o左一望, 發現竟然有隻青蛙o係個cover o度!!!好得人驚ar~~~~~我嚇到即刻彈開~~就係因為呢一"彈", 就俾o個兩隻死仔發現我驚青蛙!!!ar~~~之後佢o地勁衰ar!係咁o係o度搵番本o野出o黎想嚇我啊~~~雖然miss lai有將本書收埋, 但都俾佢o地搵到...我同佢o地講如果搵本o野o黎嚇我,我就即刻喊俾佢o地睇!!!and 以後都唔再教佢o地~雖說今日避過o左一劫, 但我諗下次未必有咁好彩ga la...之後miss lai唔o係o度幫我"頂住", 我都唔知點算law~~~~ >"< ~~~~~>.<~~~~~
************************************************************************臨放工得番jacky同埋brian, jacky仲要去考劍橋o既英文試, brian就仲有tests. jacky成晚o係o度咳, brian就成晚流鼻涕, 又係咁打乞嚏~~
結果搞到我依家有少少發燒------37.5度...
老師...其實都可以算係"前線工作人員"ga......
************************************************************************
聽日小組活動, 人數...
希望聽日大家都可以enjoy la~話o酉都係second last o既小組聚會ma~~^______^
文章定位：
