尋日6.45pm要去剝牙, 咁o岩kiki下午要去cityU interview, 所以約o左佢一齊去又一城食lunch. 出門搭lift時見到個"哎吔"表哥(我到依家都唔明點解佢會係我表哥~.~), 傾傾下就問佢剝過智慧齒未, 佢話:"一次過剝o酉四隻la~" 跟住我話佢就好la, 一次過剝o酉,一了百了, 點知佢話:"好!?!我剝o酉之後塊面腫到豬頭咁呀~要住院, 仲要成個禮拜先好得番呀~~"跟住佢仲叫我剝完, 夜晚瞓覺記得o係塊面兩邊墊毛巾, 我問點解, 佢話:"有毛巾墊住, 等d血流出o黎時唔會整到個枕頭." 我聽到之後即刻話:"駛唔駛呀!?!" 佢話:"梗係要la!上次我起身, 兩塊毛巾都沾滿血呀~~~~~" @_____@ 真係...聽到都覺得痛......
之後我o同kiki去o左food court食, 因為記錯o左UG做LG, 所以搵極都搵唔到個food court, 結果要打電話俾雄雄求救~~ ^.^;
我叫o左"香辣茄子肉碎", kiki叫o左"咖哩炒雜錦". 我o個個等o左勁耐先有ar~
食完之後就陪kiki行去cityU, 沿途仲見到好多赤裸半身o既大漢o係我o地前面跑, 真係睇到都飽...@___@等kiki入o左去我就返屋企, 中途去o左荷里活廣場間park'n shop買bread, 準備今日食. 媽咪話陪我去剝牙, 不過我話唔駛, 結果佢就買o左盒wall's 三色雪糕俾我食~~ ^.^
返到屋企, 睇o左陣報紙, 瞓o左一陣就"上路"la~~~~~臨出門口我飲o左碗湯, 因為恐怕短期內都飲唔到~開門時媽咪又問多我一次駛唔駛佢陪, 我話唔駛.
去到間診所真係..."運吉"!!約o左6.45pm, 點知去到佢話仲要等多一個鐘頭!!!於是我同個nurse講話我去商場行下先, 佢話轉頭先打電話叫我番o黎. 跟住我就去o左書局睇書, 睇下d預防骨質疏鬆o既食譜一遲d煮俾媽咪食; 買o左三張貼紙, 係可以幫公仔貼紙換衫o個種, 都好耐無玩過lu~之後就收到電話叫我返去診所, 不過返到去都仲要等多十五分鐘, 所以我又攞o左本<<叮噹大長篇---創世日記>>出o黎睇, 哈!我幾醒~識得帶埋本書o黎睇~~ ^0^不過睇得好唔安落, 因為room裡面成日都傳出d鑽牙聲, 勁得人驚~~~ >______< 上次去都已經覺得d聲搞到人好心寒, 今次都一樣...結果我到8.00pm先有得剝, 入到去, 個dentist幫我打麻醉藥, 之後叫我出返去等食止痛藥, 嘩~打完d麻醉藥之後, 我右下半o既嘴唇, 牙齒, 仲有半邊脷無o酉知覺!! 突然唔識得吞口水不特止, 仲幾乎吞唔到d藥. 我當時終於明白點解之前叔公有半邊面郁唔到時, 會成日都好炆自己......
之後就開始剝, 其實除o左隻牙出o黎stimulate到d神經線時會痛, 基本上其餘時間都無感覺, 但就聽到d刮牙聲, 交剪聲, 喉管吸血聲, 亦feel到個dentist好用力咁剝我隻牙~整個過程我雖然合埋o酉眼, 但單係聽到d聲就已經好驚, 好心寒, 成個人震o酉~~>"<~~剝o左半個鐘終於都剝完, dentist幫我縫o左兩針. 之後就攞止痛藥, 俾錢, 然後就搭車, 成晚都講唔到o野, and then用o左三舊綿花先止到血. 兩個鐘頭後d麻醉藥開始散, o個下痛到我死~~~即刻去打開冰箱攞冰袋鎮痛. o個段時間心情好燥, 好炆, 唔知炆d咩, 但就淨係覺得好辛苦, 有d despairing, 有d痛到想喊, 不過結果無喊到, 因為諗番起之前梁sir同我講過:"有病時千祈唔好自憐, 如果唔係就會愈見辛苦, 愈見難捱."所以我就無喊到~睇完ER就瞓. 不過尋晚睇ER好有實感, 因為隻牙好痛, 搞到見到ER裡面d BB suffering時自己都覺得好痛~~~~ *______*
************************************************************************
後記:
經過今次o既剝牙事件, 剝牙已經成為我一生中另一個traumatic experience. 希望唔好再有下次~~>______<; 但聽聞拆線o個下都會好痛...>"<
雖然依家進食&講o野都有困難, 但點都要keep住一日食足三餐, 如果唔係遲d就唔止underweight, 而係變o左malnutrition ga la~~
你o地唔好打電話俾我住la, send email la~ chat ICQ la~ 仲有, 唔好忍我笑呀~如果搞到我爆o左線我就會第一時間咬你ga!! ^________^
文章定位：
