DFP之家 原想改名為豬欄或豬舍,但因太多人喜愛此名啦...為避鋒頭,故改用現今之名,全因本人係一隻披著人皮的豬. 各位豬朋,請不吝賜教! 因 吾系豬~~~

33愛的鼓勵 0訂閱站台

剛剛過去的元宵, 與友人第一次整湯丸, 試左兩種方法, 都好好味~~
以豬偷懶的性格, 餡料當然係買現成, 只係好努力好努力咁搓左個粉皮.
今次唔記得拍過程, 所以係得成品的樣~~

以下係網上參考而來的食譜:

材料:
糯米粉 45g
冷水 約50ml

方法一 (粿粹法<--適合我呢種心急無耐性的初學者)
1. 先用約一半的糯米粉加入約一半的水, 搓至不粘手(太粘手就加粉), 製成篇的餅型(容易碎的話加多少少水搓), 放入滾水中煲至浮起即可打救佢上黎, 呢塊熟左的粉團就係粿粹;
'注意: 網上多數都只係用1/4的粉同水黎整粿粹, 但係因為我用料少, 所以先整咁大嚿'
2. 將粿粹跟餘下的糯米粉一起搓, 途中少量咁落水, 直至粉團不粘手即可;
(我只用左約40ml水)
3. 將餡料包入(我有先雪硬少少容易包d),搓成任何喜歡的型狀;
4. 搓好的湯圓放係灑有少量糯米粉的盤碟上, 每粒湯圓要隔開些, 以免互粘;
5. 搓好晒湯圓後, 放入滾水開蓋煮, 浮起即可食用;
6. 喜歡放糖水的話, 可以用2碗水加半碗薑煲滾約5-10分鐘, 熄火加糖至喜愛的程度.

方法二 (暖水法<--適合溫柔得黎有愛心咁慢慢搓湯圓的超人)
1. 將材料中的水改為暖水(覺得有少少燙手即可);
2. 在糯米粉中慢慢加入暖水, 邊加邊搓, 切勿一次加得太多, 直至粉團不粘手;
3. 取適量的粉團壓扁包入約同size的餡, 初初包少d餡, 熟手之後挑戰難度至直皮薄餡多;
4-6步驟同上一方法.

食後評語: 方法一的湯圓有彈性d, 即係Q.  而方法二的好軟綿綿. 二種都好好味!!