估唔到一把年紀又再重回校園,執起書本背著書包上學堂. 再次朝八晚十的學生生涯. 真的適應不了晨咁早起身,天曚光都未見太陽就要離開張軟綿綿的床鋪,刷牙洗面去廁所時連眼都睜唔大,行係路上三三兩兩都係咬住個麵包飲住盒奶,急急腳咁行返課室都只係為左霸返個風扇位. 唉~~ d咁辛苦的求學生活,何苦又再呢?! 豬,總是自找麻煩,自尋煩惱!!簡直就係自掘墳墓! 既出豬欄又何苦再入豬欄呢?! 唉~~唉~~~
其實開學到宜家正式黎講已經有成個月,只不過交完學費,比晒雜費之後,連續三個禮拜都無上課. 第一堂係因為考執業試(有超過99.9%的機會肥佬,請各位大大買定二打啤酒,等放榜歌日一齊飲,註:本人基本上只飲喜x),第二堂係國慶,第三堂係中秋(同朋友去左西灣湖賞月,今年好多紙紥燈籠). 有dd後悔攞左咁大筆錢去讀爛鬼研究生,我呢d咁無恆心的豬,實聽半途而廢,中途輟學!! 如果早d醒悟攞左去日本韓國玩不知幾爽. 宜家...只能輕嘆悔不當初!
強豬,未劏先知;智豬,劏左就知;愚豬,點劏都唔知.
睇黎,我都算智豬丫,只係遲左少少啫~~~
文章定位：
