禮拜六日參加左教會攪的’做個輕輕鬆鬆快活人’生活營,原定係中山,點知後尾改左去廣州的拹和神學院.係廣州白雲區(令我諗起系白雲精神病院實習的一切呢).
出發歌朝落起大雨,差點以為去唔到呢,點知臨出門口時停左雨,可以行去關口唔駛搭的士.
一行七十多人浩浩蕩蕩咁過關,一班人係拱北關口附近等預約左的旅遊巴,等呀等呀~~~ 就咁等左成大半個鐘,我地部旅遊巴仲未黎ge~~ 我份人比較遲鈍,仲未覺得出左咩事,仍然以為個巴士司機看錯鐘或者蕩失路所以未曾黎到,應該on the way...企多陣之後,有個高高地懞懞地的女仔講話個司機黎唔到,正在想辦法解決當中,叫我地忍耐多陣,我就仍然呆滯緊,都唔係好知咩事,只係覺得宜家d生意人淨係識得睇錢,一d信用都無.
最後都找到車,去左拱北賓館上左部拱運的旅遊巴,時間係下午三點半,上車排排坐之後開始大家互相介紹,傾下講下唱下歌仔咁就三個鐘頭,到左位於東平村的神學院,放低晒行李就去左飯堂食飯,四送一湯白飯任裝,我歌圍檯全部都係女仔,食剩好多送呢,諗起如果小福榮響度就唔會咁晒野,
主題晚會開始時,每組都要用三分鐘黎做個短劇,我地忍耐組就用返上黎時的狼狽情況做背景,一齊係台上面撐傘,將把傘d水噴晒出去,癲癲仲開到把傘反左,台下的人都好開心咁笑呢.之後就正式開始候導師講信息,佢講得好好,不過我好眼訓,半夢半醒的情況下聽完乜野係壓力同點樣去處理壓力.
返房沖個靚涼傾陣計就覺覺豬,歌時大概一點啦,我同癲癲仲有莎莎同房,好累~合眼就睡著了,又係半夢半醒間二次見到有影飄過,確定唔係有人走左入黎之後就唔理佢,繼續訓,事關第二朝要早起,
朝早起來洗刷好就開始一齊靈修,完左就開始食早餐,菠蘿包加粥(唉.食粥),跟住的時間又係玩下活動,聽下分享,食下午飯,四點半左右閉營,見到候導師咁比心機黎預備講信息,覺得我恰眼訓實在係對唔住佢,不過無奈地,周公call得我太密,只係清醒左一陣就變呆豬,無論見到行雷閃電或是風光如畫,統統都變成一舊雲.就咁樣,二日的生活營我只係記得食左好多野.
豬會變得越黎越肥.
文章定位：
