第二日，我地兩個訓到十二點先起身，不過大家都仲係好謝好攰。同Ｄ文化藝術人一齊真係唔同Ｄ，去玩都要參觀當地藝術，所以第一站係華僑城創意文化園。當然我醉翁之意不在此啦，我淨係謀住入面有好有情調既ｍｙ ｃａｆｅ，ｍｙ ｎｏｏｄｌｅ。
ｍｙ ｎｏｏｄｌｅ Ｄ裝修係幾靚既，佢既裝修令人誤會係西餐或高級ｃａｆｅ，不過其實係食刀削面呀，餃子之類。味道不過不失啦，但由於我地坐出面，附近又無馬路，完全係樹，環境滿分。兩個面一個餃子，再加一個涼拌芽菜，埋單８５蚊。
阿叻話呢度其實係由一個廢置了的工業區改建，目前入面都係ｄ藝術人既ｇａｌｌｅｒｙ呀，ｓｔｕｄｉｏ之類，係咁夷睇左一兩間，係幾靚既，不過你都知藝術係貴價野啦，睇左都無幫襯。但好多間門口都有唔同既擺設，好多都幾有味道就真。阿叻姐得悉星期一展覽閉館後，失望到不得了，我反而有鬆一口氣的感覺。唉，食又食完，我邊度會有心機睇藝術呀，但又唔好意思叫走麻～
佢話叫我同佢影出一種深入去的味道，死未？你話死未？
我叫佢影背影，佢叫我回眸，真係溝通唔到既人，唉！
呢個泡真係要介紹下～話說去深圳的車上奉送一支水，都唔知有無心俾人飲架，開到起泡之餘，仲有一個位甩皮流血，癲架！
咋咋林離開文化園後，我地既目的地係深圳書城，你睇我到步時幾開心，不過走時幾乎想打人。我頂，咁鬼大個書城，除左一個ｍｕｓｉｃ同埋一個ａｒｔ ｄｅｓｉｇｎ部分係勁大之外，根本得幾間小書店。仲要係賣經濟之類的書，完本係零收獲咁走，心機都無埋。
旅程既最後，我地去左東門町。感覺咪好似去左廣州北京路呀，上下九咁，無咩特別，係呢間麥記值得影一影。
地鐵站玻璃門倒影
整個旅程的最後一張相，返珠海的車上，兩個人都根本唔想傾計，唔想講野，攰到呢～
以我同毛毛去兩日廣州都可以用成三千蚊黎講，呢次真係平價，全程只係用左八百蚊！當然係一個人計啦，食慒你咩？
文章定位：
