24h購物| | PChome| 登入
2007-09-02 13:17:41| 人氣67| 回應0 | 上一篇 | 下一篇

1.9.07 "洗牙--獨個兒港島遊走"(寫好)

推薦 0 收藏 0 轉貼0 訂閱站台

1.9.07,星期六. 「洗牙--獨個兒港島遊走」

短週，同平日返工差唔多時間起身，因要返中心做埋o的手尾，做到十點半非走不可，因為約了十一點九過海洗牙。由於咁遲先出發，幾驚會遲到呀!不過好彩緊緊趕到，但去到唔係即時有得洗，因為醫生未做完之前一個。結果我去埋廁所，等o左一陣就到我了!(為何突然去洗牙?因為o黎緊16號要做司儀嘛!加上$200全年洗兩次喎，緊係去啦!不過我對上一次洗牙和檢查牙齒，已經係中學時代了!=P) 我如實同醫生講，然後醫生替我檢查，解釋我現時的牙仔情況，醫生話十多年沒有洗，漬就一定深，但因我平時保養得幾好，所以我的牙仔沒有問題，到X光片出埋，最多都係下面兩隻智慧牙打橫生，但依現時情形並無影響，到有需要時做手術才脫都可以。講咁多，講番洗牙先，有些人很怕見牙醫，但我由細到大都唔驚，仲幾鍾意添!就好似今次咁，醫生話我太耐無洗牙今次會辛苦o的，但我一o的都唔覺得，相反仲覺得好爽添，一路洗一路好似同o的牙沖涼咁，不知幾正，直頭有種輕鬆哂o既感覺!亦正如醫生講我咁多年無洗o的漬好深，所以我每次漱出來的水都是啡色的...十分恐怖!!
洗完牙仔，都已經一點了，見有點肚餓，醫生又話可以食o野，於是落街後一路行一路看看有什麼食，結果給我見到一間麵點食著「蝦尾」二字，於是我好奇的走入去看看是什麼東西，叫了一碗「紫菜蝦尾」麵...，原來蝦尾是魚條來的我估它是混合了一些蝦打成，味道都可以啦!
食完麵，沿駱克道行過灣仔，去森記睇睇書，跟注轉入太原街睇玩具，然後再行皇后大道東飲果汁兼睇埋模型(但根本無o野睇)，先至行返去溫莎搭隧巴過旺角...可能我出世後便在港島居住，三歲前都在那兒，所以對港島有一份份外的親切感，好鍾意逗留在那邊。還有一個人這樣遊走，使我放鬆了很多，尤其近日的心情，真的有種緩和的感覺!這便是一個人的好處啦!
落返旺角，不幸的破財，昨天一破，今日又破，死得!今次兩位兄弟的禮物「豐碩」了!
今晚同屋企人去了新城市新開的泰國菜食飯，幾好味價錢又ok，但要等成個鐘有多認真要命!
還有6個0皮屠羊，勁開心呀!哈哈~~

我要檢舉
台長： Snoopy John

您可能對以下文章有興趣

人氣(67) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文