陽光．彩虹．「夢」星雲 夢．星．雲 不應分離 是時候讓他們重聚 「夢星雲」的世界裡應該充滿愛與理想 讓愛的和煦璀璨入夢 讓理想的勁擦亮星星 讓澄明的心洗滌白雲 不單要凝聚，還要有陽光與彩虹

103愛的鼓勵 0訂閱站台

多謝妹妹的祝福、鼓勵和問候，希望哥哥真的會無事啦!^^

部Notebook的keyboard昨天出現問題完全不能動，剛才亦然呀!所以現在襯無o野，快快打o左日記先得。

23.8.06,星期三,霞. "感冒"

喉嚨痛呀!起喉嚨痛呀!再加上個人骨痛和感覺倦，我知道這樣代表將會起傷風感冒了。所以昨晚已經開始吃成藥打底，是關如果給它真的發出來，又要洗百幾睇醫生，真的肉痛哦~加上糧尾嘛，還有鬼死咁多o野做，可以比自己倒下的。故此，今晚好早就上床"交交豬"。

24.8.06,星期四,颱. "取消預約"

今日個人仍然唔係太舒服，但無計，繼續努力。不過原本下午與麻醉師的booking取消了，所以變o左有半day休息，但係我沒有好好回家坐定定，反而走落沙田四圍走，結果給我發現賣物王從開了，嘻嘻~買了少少o野比自己。走落去，當然搵阿Yan傾陣間計。

25.8.06,星期五,雨. "兩個會"

今日工作十分緊湊，早上先來一個DECC,NEC Mtg.(我當然只是負責做紀錄)，午後做東做西，夜晚就再來一個中心職員會，又係做紀錄，真的想死(期實由我做學生年代一直都最爭做會議紀錄的)。由於個會5點9開到9點，咁我即係仍要開工但未食飯啦，所以我襯同事未走晒，上二樓買盒意粉返中心食。好倦呀，但好彩明天短週。

26.8.06,星期六,霞. "探望"

今日約了小燊同二嫂入將軍澳探大舊，因為他14號開工時跌倒傷到條大陣，入院住o左幾日，到現在還在家休養呢!我先約小燊在九龍塘集合，坐墜鐵入將軍澳，去茶樓開定位等大舊來。我們等o左一陣，大舊終於來到，看他精神不錯，只是變了一個美式足球員出來，是關他給一塊"護甲"包裹注個身呢!我們一路飲一路傾，傾到二嫂來到才離開酒樓上他屋企繼續傾。就在茶樓傾的時候，大舊給了我"閒"字的一個解法，真的好多謝佢，領我清楚得多了。
我們四個麻甩上樓傾呀傾，傾到七點到因我要回家睇波才結束，真的好爽!
大舊，祝你早日康復。

27.8.06,星期日,雲. "休息"

今日真的給自己休息，沒有出街，十一點幾食過早餐就歸家，玩陣見電腦同o左套戲就跟媽咪去沙田買送，然後晚上同屋企人食o左餐好的(有壽司、鹽焗雞、蒸蟹和爸爸用我的靚清酒做的雞尾酒，好味)，並約好5A之友下星期六的聚會，咁就一日了。
o的感冒仍未好，有啖同咳都不特止，個人唔係呢到痛就個到痛泥，幾辛苦。