陽光．彩虹．「夢」星雲 夢．星．雲 不應分離 是時候讓他們重聚 「夢星雲」的世界裡應該充滿愛與理想 讓愛的和煦璀璨入夢 讓理想的勁擦亮星星 讓澄明的心洗滌白雲 不單要凝聚，還要有陽光與彩虹

103愛的鼓勵 0訂閱站台

15.3.06.星期三. "作客"

今日仍然為五常法忙到嘔...應該是死先o岩!總之就做啦~但咁都未算，還要趕問卷、趕stat.我條命真的快比埋佢了!今晚大家如常加班，所以一齊去食飯，然後再繼續，但今晚唔係去"金翠寶"了，是去謝Elaine屋企食飯，事願係一來上星期加班陳金Meg請了我們食飯，今晚到她了，二來是謝小姐本想搞一次去金龍船的，但佢搞唔成，結果搞去佢屋企作客食飯。
食完飯，繼續回中心工作，又係11點幾先收工，死得~~!

16.3.06,星期四. "考古課"

今日想話早點收工，但還是7點幾先走人，回家吃過飯休息一會就上二期阿Mon屋企樓下上劉教授的"考古興趣班"----其實在我眼中這是一個聽教授講故仔吹水兼磨時間的活動，之後就回家唔知訓定咩了。

17.3.06,星期五. "又係工作"

唔記得有咩了，只記得當日一樣做到死，做看更時不停入問卷資料，做到成11點先閃。


18.3.06,星期六. "大伯來了"

昨晚收到消息，廣州伯伯明天來港"買奶粉"，所以我們成個家族今晚總動員去陳根記為廣州伯伯接塵。我本以為今晚無咁早開飯的，但點知失驚無神話6點幾就食飯了!那我只好放低手頭工作，去禾輋食過飯，然後才返中心繼續工作，結果我9點幾返到中心，做到10點幾終於完成D問卷走人!

19.3.06,星期日. "示範單位"

星期日，同平日返工一樣咁早起身，是關要返正校上日間講論。連日工作已經很倦的了，再加上昨晚夜訓所以今日早課沒有精神，就算老師講得如何好、如何有趣，成個許冠文咁，但我成堂都係"釣o下釣o下"咁，真的要命。好彩老師講得好，三個鐘好快就過了，一落堂我就趕返沙田同廣州伯伯飲茶，順便去Royce買朱古力，給他帶回廣州做手信。一家人飲茶飲到成三點，跟注就由第一城"行路"去火炭火車站同伯伯去搭車。那時快四點了，如果我不是十分疲倦，我一定出旺角行陣間，然後先至去黃埔會Madam，但由於我實在太倦了，所以我選擇回家休息一會才出去。不過就是這一休息，我遲到o左十分鐘呢!
今晚約Madam，目的是上她的新居參觀，我倆於王家沙食過飯，跟注就上她的新居，我第一眼望進去是"舒服"、"簡約"，地方雖然不是太大，但勝在裝修得不錯，因Madam十分善用全屋的空間，要求裝修不要浪費地方...可惜她原先找的裝修師傅爛尾，如果唔係效果一定更好。參觀完，落去吉之島同Madam買鑊，同埋買蛋糕返上樓，然後一路飲注茶、食注蛋糕傾計。
今晚的參觀、傾計，得到不少啟示，其中一樣肯定的，是要為自己的將來努力，因我想有一個自己的家，是我多年來的心願......
黃埔都是一個不錯的選擇，日後買樓可以考慮這就。

20.3.05,星期一. "又一個"

繼上星期，今天又一個了，心情真的複雜......
自己的將來呢?真的不少問題。