陽光．彩虹．「夢」星雲 夢．星．雲 不應分離 是時候讓他們重聚 「夢星雲」的世界裡應該充滿愛與理想 讓愛的和煦璀璨入夢 讓理想的勁擦亮星星 讓澄明的心洗滌白雲 不單要凝聚，還要有陽光與彩虹

103愛的鼓勵 0訂閱站台

18-24/11/04 "喘不過氣"

今天真的是偷偷寫日記，因為我實在太忙了......

18/11/04,星期四."上環、上學"

今晚是第一次到OU上環校舍上學，這裡給我的感覺是--"高級點"，不過我想是因為這邊校舍較新的關係呢，所以樣樣望落去都好似"正"D。不過最重要，還是師資，原來我本身第二組的老師都不錯呢，見解幾獨到，不過係有時"時空交錯"，但明白老師只是順口說錯o者。
又一次到上環、又一次觸動我的心，因為這裡也有我的回憶......究竟現在妳怎樣呢?過得開心快樂嗎?天水圍家庭慘劇的報告出了，指出該區缺乏家庭輔導服務，日後需要增加人手應付......那麼妳會去嘗試嗎?落天水圍區幫助問題家庭。我記得妳說過有興趣從事有家庭輔導方面的工作，而天水圍也近屯門，妳上班也方便呀!

19/11/04,星期五."晚宴"

今晚不用做看更，因為要去籌款晚宴幫手，所以今晚仍未有時間睇我星期三借回來的書，亦即係未可以開工做功課。今日個人有點唔舒服，所以晚上工作時個人呆呆的。

20/11/04,星期六. "開工了"

今天因同阿Meg調o左，所以返長週，但不知是否昨晚工作加上自己有點唔舒服，所以今日工作時完全沒有精神，甚至頭痛添，但最慘很多工作等緊我呀!
收o左工可以回家開工了，開始睇書做功課。

21/11/04,星期日. "睇書"

今天全程投入，一起身抹大眼就開始睇書，由天光睇到天黑，除了下晝落街買過麵包外，我便沒有離開過屋企，不停睇呀睇...但仍未睇得晒。

22/11/04,星期一. "不開心"

今日做了"職效評核"，好唔開心,不過完全唔關人事，亦唔係無得跳Point，完全是自己問題，總之就唔開心，因為我覺得自己好無用。

23/11/04,星期二. "喘不過氣"

中心未完成的工作、自己未完成的功課、經濟的困擾、擔心爸爸的心情...真的使我喘不過氣、好大壓力!我個胃由昨天痛到今朝，總之一緊張就胃痛。迫得好緊呀!我好想停下來，但又不行，因為今晚和明早要趕會記、下午要預備新班組教材、晚上才有時間做功課(但明天是放假的呀)，星期四就一定要死起份中期檢討，又係夜晚先有時間功課，星期五晚因為做看更又要少一晚用了。到星期六又要開會，夜晚同阿婉Billy慶祝生日，叫比自己停一停，但第二朝又要返學、下午入屯門上5S，夜晚又要趕功課。星期一又要返學。本想下星期取假，但又遇上月頭唔方便取，所以預計又係晚晚做功課......我一想起這些，就覺得好辛苦啦，有人可以幫我嗎?最少精神上、心靈上...
亦因為咁，我越發想起妳。

一陣又要開工了，現在是晚上十一時二十分。