陽光．彩虹．「夢」星雲 夢．星．雲 不應分離 是時候讓他們重聚 「夢星雲」的世界裡應該充滿愛與理想 讓愛的和煦璀璨入夢 讓理想的勁擦亮星星 讓澄明的心洗滌白雲 不單要凝聚，還要有陽光與彩虹

103愛的鼓勵 0訂閱站台

17/7/04,星期六. "一個人(一)"
短週的星期六,沒有睡到十二點才起身,因為今朝plan左要回中心send個e-mail,同埋去郵局買包裹箱仔,用來寄生日禮物比思詠。所以我九點幾就起身,梳洗後睇o左陣電視,就先落中心,然後再去中央郵局,很快速的完成我上晝的安排,那時,已經差不多十二點了。放假例牌去飲茶,不過今天多了表哥和他兩個小朋友,好耐無同佢o地飲茶了。飲完茶,繼續我的編排,下晝出OU還書和揀禮物比思詠。去到圖書館還書,照例坐一坐涼陣冷氣,睇過"雜誌"先走人,因為要吹o番乾個人先嘛!離開了OU,一個人行落旺角,一邊睇模型、一邊揀禮物比思詠,但結果都係揀唔o岩,原本睇中個鏡盒o架,但由於價錢太貴,所以放棄了。揀唔到禮物,但自己卻發現了一盒好o野,就是抗戰時期的一架國軍轟炸機模型,這些罕見的國軍軍事模型,我當然不會放過,第一時間買下啦!我現在不會隨便買模型的了,隨了是現代的海軍船艦和新舊的特種艦艇外,其他模型我一定要是特別和罕有,以及有"歷史性"的才會買,就好似這o架飛機咁。是關,今時唔同往日了,買什麼都要想清楚,計過數先可以買,所以我對上一次買模型到依傢,都有差不多好幾個月了。買完模型,準備返歸的時候,Oli來電,原來她也在附近,正在搵架救護車仔送比朋友呢,所以我陪買佢去買車仔先返歸。
一個人行街已經成了我生活的一部份,感覺?是一種不好受的習慣。

18/7/04,星期日. "一個人(二)"
原來星期日想搵個朋友去睇場戲都好難,又或者証明我朋友根本不多。由昨晚開始搵,到半夜send message。結果不是唔得閒就係睇o左,而message方面大部份都沒有回覆,只有阿婉話無興趣 和 竟然是來自阿怡的回覆,不過阿怡回覆幾有趣,先是話星期五OK,接注第二個message就話原來自己唔記得自己睇o左呢!我真係覺得既開心又好笑,開心o既係阿怡竟然會回覆我,好笑o既係阿怡又會咁烏龍o既!
我真係好想去睇哈利波特呀!但沒有朋友陪,難道我真的要一個人入戲院睇?每每想到這裡,我真的十分十分唔開心,我覺得自己好孤獨......希望這幾晚,我至多出埋錢請睇戲同食飯,希望有一個好心的朋友會肯陪我去睇啦!求求大家陪我丫...可憐o下我啦!我想哭......
孤獨的人,當然要過孤獨的生活,今日又係例牌飲茶,跟注一個人過第三期揀禮物,結果給我在...(唔講得,怕思詠知道)揀o岩了。買完禮物,始終都無人覆我陪我去睇戲,那只好返家...返到屋企,本來想開手繼續砌埋隻船,但後來竟然睡著o左,五點幾先起身繼續砌,結果今晚我隻"WISCONSIN"終於峻功成軍了,我的艦隊又多一艘現代化艦船了。
我好想有人陪我呀......