以下可能是不少女性的心聲：
「我要求他兩件事：一就是不要賭錢，二是不准看鹹帶鹹書！」
女人對色情材料非常反感，認為是骯髒、下流、淫穢，而且認定男人欣賞就是要不得，要下禁制令！禁！
Profile
吳敏倫，55歲，稱得上亞洲第一性博士，精通男女間性事。
現職瑪麗醫院精神科部門醫生、香港大學精神治療學教授。
對性事言論出位，九四年獲亞洲性學會頒授「亞洲性學家獎」。
著作包括《禁果與人生》、《性與德育》、《性醫學新釋》、《性論》等。
吳敏倫教授就認為大錯特錯，其實色情刊物及電影也有好多功能。「女人放開心胸比男人睇就可以避免衝突；如果你唔批准伴侶睇，男人只會收收埋埋去睇，或者滿腦子性幻想，你反對不單止無用，只會令大家分歧愈來愈大。到頭來只會迫伴侶講大話欺騙你！」
睇鹹書鹹碟當前奏
從純粹觀摩的心態，色情材料可以提供一個學習的機會。「伴侶可以學習更多性技巧，雖然色情刊物及電影內難免有誤導成分，但大部分成年人應該分析到真或假。如果伴侶對性需要太多，你無法滿足佢，色情刊物及電影某程度可以幫你解決呢個問題，佢可以用呢個途徑去解決，防止佢出去滾添！」所以夫妻之間看看這類材料是可以的，而且是必需的，要指導夫妻的性生活必須有技巧。
「如果你陪埋伴侶睇鹹碟或鹹書，好處係可以有一個好的性前奏，刺激大家的性慾；大家都可以從中多了解伴侶的性興趣；提供一個良好溝通渠道，令大家都有美滿的性愛；你可以容易identify一些與伴侶的性難題。」吳教授表示有很多病人有性功能障礙(Sexual Dysfunction)，引起他們對自己能力的懷疑，及威脅到他們的自尊，他亦會提議兩夫婦一齊睇色情材料，大部分的個案都能夠迅速痊癒，如果其中一方（通常女士）不願意，障礙會較難治療。
不要與鹹碟女主角做比較
另外吳教授有些個案是女人的通病，「通常女人會擔心伴侶睇完色情刊物及電影，會對自己失去興趣。事實上，真正的性愛，睇任何東西都永遠不能夠取代，如果在性愛得不到滿足，色情刊物及電影都不能夠有甚麼幫助。
「有些女士認為男人睇完，可能會要求做同樣的動作，其實大部分的成年人都知道色情刊物及電影的內容是否實際，大家的關係是好的話，男人就一定唔會迫你。如果佢強迫，反而可以看出佢有幾尊重你及愛你！色情刊物及電影不會改變他的愛及尊重。」
有些求助的女人就怕男人會將自己與那些「主角」比較，然後會覺得她的吸引力大減，吳教授認為「禁制佢唔睇都改變唔到這個情況，每日佢都周街見到又後生又靚的女仔，電影甚至時裝表演都見到，你又點可以阻止到佢見唔到？如果你 係咁，你係嘗試打緊一場永遠唔會贏的仗！而只會令到大家的關係更加緊張。
「女人要明白時刻保持吸引力，並唔係單靠外表，仲有你對佢的愛、你俾佢自由、個性，咁樣所以色情刊物、色情電影、靚女都永遠唔會贏到你！」大家收到未？
文章定位：
