自星期六睇完濱崎步名步姐o既華麗演出，我到依家都仲覺得自己係咪發緊夢。
有時d野就係咁，事情太”神位級”，當你真正遇到時真係唔敢相信。
個晚真係太完美，縱使我一值覺得香港d表演場地太細，令步姐發揮有限，但仍然令我感到le個舞台好華麗。除左舞台，仲有服飾打扮，舞者，當然仲有步姐o既歌喉，簡直good fit﹗﹗而le種專業，做到最好o既專業精神，係香港娛樂圈係冇o既~
我敢講，如果香港o既show做到咁o既水準，就算價錢高d，我都一定棒場﹗﹗
因”專業”係值le個價﹗﹗
今早，睇到單網上明報娛樂新聞，我簡直有想要兜巴摑醒陳奕x先生o既衝動﹗﹗
網上明報娛樂新聞內容如下:
陳奕迅懷疑 濱崎步「咪嘴」勁歌熱舞面不改容
明報專訊】日本天后濱崎步前晚假紅館舉行演唱會，令不少歌迷、藝人「朝聖」，雖然陳奕迅質疑步姐勁歌熱舞時，不可能聲線冇變，有「咪嘴」之嫌，但仍無損6000歌迷的高漲情緒；儘管步姐八度更衣出場，以半鹹半淡廣東話打招呼，但仍獲得連串掌聲。此外，愛購物的步姐原定昨天飛返日本，但卻延期未肯離港，看來她賺完港元再消費呢！
前晚的「濱崎步TOUR OF SECRET演唱會」，全場爆滿，歌迷情緒高漲，全場站立拍掌。步姐在個唱中施展渾身解數，不停勁歌熱舞，連同「安哥」在內，她共換了8套服裝，每套服裝都以金銀色為主，更全部低胸超短裙，黑色打底褲若隱若現，非常性感。雖然如此，步姐仍不斷踢腿、搖擺身體，令氣氛高漲，Fans叫喊聲此起彼落。而最令歌迷哄動的，是步姐身穿紅色和服，以日本娃娃Look出場。
前晚娛樂圈中人陳奕迅、葉德嫻、關芝琳、鍾楚紅、楊千嬅、許志安、白雪仙、缳詩、羅傑承夫婦、關心妍、林建名及陳婉淇等捧場。Eason昨日出席港台活動時表示不熟悉濱崎步的歌曲，所以看騷時不停打瞌睡，嚇得身旁的經理人陳家瑛不時推醒他，以免被濱崎步看見。
主辦單位：唱得太好才惹誤會
Eason形容濱崎步的演唱會是高成本製作，燈光、爆破效果，以至整個演唱會的製作都很好，水準之高是本地演唱會難以做到；不過，他說：「看見濱崎步的勁歌熱舞，懷疑她有三分之一時間是『咪嘴』，而且『咪嘴』功夫很到家。我看麥當娜的演唱會就覺得沒有『咪嘴』，雖然歌聲可能沒有唱片中的水準，但也很好看。」
對此，主辦單位強調濱崎步並無「咪嘴」，「濱崎步唱得太好，加上所有音響設備都來自日本，才會惹起誤會」。
「騎呢」廣東話打招呼
步姐從開騷至「安哥」前，並無自我介紹，也沒有與歌迷打招呼；直至「安哥」時，熒光幕播出片段，用中文寫上「香港你好，春天到了，祝你們好運。」步姐只穿上白色Tee、窄腳牛仔褲出場，濱崎步說：「大家好，我係『Punk奇Po』（濱崎步）。」繼而用日語與樂隊領班兼結他手野村義男交談，內容是：「廣東話和國語有何分別，『我係Punk奇Po』好難記，之前記得好清楚，但現在完全一句都唔記得。」結他手就用難聽的廣東話說：「唉橥！我好慘！濱崎步話好鍾意大家。」濱崎步聽到結他手說廣東話，又忍不住笑到跪在地上。
入行9周年眼紅紅
步姐又考考結他手，用日語問他：「怎樣用廣東話說『左腳腳趾腳痺』？」結他手當然說不出。玩完一輪，樂隊領班再奏出《Poker Face》，全場歌迷順應大會預先派發的歌詞，一起說「Omedetou」（恭喜你）及大合唱。由於前日是步姐入行9周年，這份祝賀令她驚喜至掩臉兼眼紅紅。及後，舞蹈員推出蛋糕，步姐與全部工作人員拍照留念，之後再唱幾首歌，才依依不捨多次鞠躬及飛吻致謝，她並以英文說：「I was so nervous, before the show, I will see you soon. 」
步姐離開時用手指叫全場肅靜，突然有男歌迷大叫「我愛你」，但步姐不受影響，一臉嚴肅，突然拋出一句廣東話「多謝」，就飛奔返回後台。演唱會結束後，很多歌迷拿出手提電話為舞台拍照留念，在場的保安人員忙於叫歌迷不准拍照及呼籲離開，場面有點混亂。完成香港個唱後，步姐4月22日會到上海開演唱會。
全文就係咁。
陳生成日都做埋d出位野，憤世疾俗。
我唔係唔畀佢咁做，而係佢自己又做過d咩先﹖為過娛樂圈做過d咩大事先﹖
佢唱歌好聽，我都贊同，但唔代表我認同佢o既人格。佢成日都睇唔起d咩咩咩，我覺得你做得le行就要對同行有番d口德，我唔覺得咁講野好型，好另類，好有吉士，我只覺得你唔專重人，唔抵得人﹗有料o既人係低調，而唔係間唔鐘整幾句口不擇言囉~ 如果你今日唔紅，睇下d人點對你﹖
步姐全場狀態好好，成個舞台整體好好，就係因為咁，我先話佢地夠專業。
日本做事就係咁，下下都做到最好。
當晚，我從冇諗過步姐「咪嘴」，我聽聲就知唔係香港o既音樂器材，因d聲唔會咁靚。再聽步姐o既歌喉，我覺得爆good。我唔係話步姐把聲好聲，佢唔似蔡琴小姐個類，但佢做到最好，以唱歌，佢用左好大努力，有咁o既效果，我覺得大家要欣賞囉~
(陳生話有部份「咪嘴」，我覺得佢留後路畀自己囉~
你power就話人地一直都係啦~ 有部份﹖痴線﹗﹗)
加上其他”附件”，舞台，舞者，燈光，小爆破效果，都係香港唔會做到o既，請問陳生你有咩資格話人地點點點﹖你做到，你先可以睇唔起人﹗
我亦明白，有料唱歌好，根本唔洗”附件”，但我地唔係”聽”古典音樂，唔係”聽”CD，我地係有埋”睇”le個字架~ 演唱會就係le個意思。
就算人地真係搞le搞路，都係演唱會O既一部份，何況更加唔係歌喉唔得需要附件黎搭夠，所以唔好講得咁乞薄﹗
可能陳生真係覺得自己有料，聽得出係咪「咪嘴」o既~
我亦冇證據話步姐唔係「咪嘴」啦~
我只係覺得做人有返d口德同埋自己咁有料就唔好去睇d cheap show，睇完又要彈人地點點點~ 仲唔係冇口德﹖兩公婆都咁衰格﹗﹗
睇到成日訓著，我建議係屋企訓夠先”欄”出街囉﹗﹗唔好做到難為左你咁，我覺得冇人迫另一個人去ENJOY THE SHOW﹗﹗
le個人真係不知所謂﹗﹗
講完﹗﹗
另外我想講，係LIVE當晚，我都聽到步姐講左句 [I will see you soon.]
我個心真係勁開心架~ 不過le，d咩咩記者會同宣傳我就冇咩興趣，係live show先會動容到我o既o者~
諗佢係咪再黎開SHOW，但冇理由丫，依家開左仲開﹖日本人唔似香港人咁做野O既~
諗佢係咪又出碟，黎香港做宣傳﹖但佢係日本先出左冇耐咋bor~
諗佢又係咪為左d咩新產品代言人黎香港做宣傳﹖le個可能性高d~
再拍戲做宣傳le…就好似冇咩可能~
不過，我相信佢le句說話~
因佢係之前個演唱會(好似係2006年尾)，係最後個晚同大家講，佢會有個asia tour，咁依家都實行緊啦~
所以，我相信佢仲好期待想知，佢講o既 [see you soon]究竟係咩~^^
le篇純個人意見o者~冇咩大不了~
只係睇唔過眼d人個咀生係後面……=.=
說屁﹗﹗
文章定位：
