頭很大．大想頭．想過頭 一期一會。

65愛的鼓勵 0訂閱站台

le期唔知為咩，想用返口語D o既寫法去寫Blog。
我諗係純手痕。
因寫寫下，其實太口語化，唔係咁好用。


好，寫野。


琴日同一班舊同學食晚飯。

我，so sze, 肥比，sze kau，kiki，可儀，牛丸，kelly。
一行8人。

可能多人o既關係，話題就會有。
講講下，就講起一d神鬼o既野。

講到個個收唔到聲，係咁講，係咁講，係咁講~


我唔知有冇講過啦~
kelly份人…係有d唔用腦。
兼人講乜佢信乜…誇張事件o既類型。
總之，會令你頂唔順，要用語言勁插o既人。
當然，佢又未去到衰人o既地步，只係佢份人似3姑6婆，鍾意
講野"囉，八婆到爆。

琴日就係咁o既，因kelly份工係同神鬼有關。
所以先講起個d野之嘛~

當中，佢講o既野，7成畀我band，3成我已經感到無力，冇出聲…

因佢係個種導人迷信o既人。

我唔係唔信世上有le d野。
我係信o既，但我唔會下下有事起黎，都"賴"係神鬼之上。
咁同推卸責任有咩分別﹖(就算佢未做le行，我識佢時就已經係有咁o既性格…)

例如，你唔舒服，周身骨痛，佢會話係有靈體纏上。
我x的，又唔睇下你自己個肥大身形同工作係需要勞動，加上飲食唔好。
你衣家先黎病，都算係咁啦~

佢竟然推畀鬼神…=___=

總之一句講曬，佢份人咩都信，係唔信科學。

所以，佢琴日講o既野，我勁band，勁插。
當然咁多人係度，我係會用嬉笑怒罵o既方式o既。

我亦知佢"不是味兒"，亦唔鍾意我講o既野。
因我下下都好似教訓緊佢咁(就算唔係琴晚)，有邊個會鍾意咁﹖
但，我有point，佢唔反思。情況咪不停咁"輪迴"囉~

再講明，我唔反對人去信乜信物，但你唔可以講到"一定"咁，而且就算件事係"一定"，都唔係由你去講，因你仲未有資格。

kelly個幣病就係係le度。

佢下下都將d野，講到實食冇痴牙咁，我就最討厭。
而且冇從中思考過段說話。又鍾意將人地講o既野講反次，當段說話，有漏洞時，佢好多時都唔識答，咁就證明佢講o既野，係冇諗過，copy人地o既。

你會覺得佢係自卑，所以要用人地o既野黎令自己睇上去"升級"左咁囉~
但又唔識用個隻囉~

其實，我唔應該講佢d唔好，因le d始終係佢o既事，就算佢因自己le d性格，而受到乜乜點點，都與我無關。
因作為朋友，我要講o既，都講過無數次。

令到自己開竅，就只能靠自己。

而佢幾時可以，我諗都無需理會。
因以我認識佢，唔會快，但我又唔會話冇o既。

睇佢自己造化啦~

可況，我以上講o既，都係我自己個人感想。
或者，有問題o既，係我而唔係佢呢﹖有邊個可以肯定丫~﹖﹗