頭很大．大想頭．想過頭 一期一會。

65愛的鼓勵 0訂閱站台

琴日篇文寫寫下竟然頭暈起黎，邪野﹗

好﹗今日繼續~


鄒生係文中都提及過幾位朋友，亦有此情況。

睇完成篇文，我發覺同鄒生係同道中人。
而鄒生今次篇文仲點醒左我~

我一值認為，我同好多人都好難夾到啱傾。
而問題出係我身上。

剛認識o既唔計著啦~咁真係我問題，因我比較獨行俠。

但由讀書識到依家個d，都識左7,8年都有架啦~
但關係已大不如前…(所以問題都唔多係出自我囉~)

我係度諗，人實會轉變，因人o既思想係要長大，先會成長，先能感受到"世界"。但係咪我轉得太快﹖定係我轉得太過苛刻，定係我已到達另一階段﹖

睇完鄒生個blog，我明白了~

[發覺大家有了距離，我已經在社會打拼，凡事以實際為本，他仍然虛蕪飄渺，我發現根本大家是不同世界的人]

我同某朋友係以le種情況理解o既﹗
總之，轉變係人人都有，唔好責怪自己~我明喇﹗

另一個，係小學同學。

自小學畢業後都有通信，見面，但唔多。
佢中五時就去左澳洲讀書，係有幾次通訊。

但小五畢業後…
第一，我同佢學校已唔同，認識o既人都唔同。
第二，佢屋企又唔同我。
第三，我覺得大家o既思想，已相差好遠喇﹗

佢去埋澳洲，冇幾耐最後都冇影為終。

我仲記得，最後一次，我係寄左幾本張小嫻o既簡體字書畀佢過日晨，因佢話個度悶wor~ 我又咁啱睇曬，咪畀佢囉~

其實，暗裡係睇完唔捨得掉，但又唔想放係屋企，所以咪寄畀佢囉~

又其實，我同佢小學同班過好多年，係小五畢業camp先開始friend。

之後d聯絡，講真個句…係d好無聊o既對答。
殘酷d講係，為左一句"朋友"，而監硬做"朋友"…
其實，我地一d都唔啱傾…

[同學並不一定要成為朋友…]

我用鄒生le句黎形容我le段"友情"。



[不是每一個人也可以成為朋友，成為知己，上天安排他們出現於你身邊，就是希望你們成為朋友...反覆自我催眠，讓自己相信這一套想法…

我不介意沒朋友，卻很討厭你同我扮朋友，人與人有無數的相處方法，形式及關係，同學並不一定要成為朋友，同事、合作伙伴可以有合作上的感情，但不代表可以轉化成朋友。

在某個階段交匯過，然後各自到自己要去的方向，我們不是朋友，只是萍水相逢的一場相識，勉強只會破壞最好的關係。

人生得一知己，就是自己~]



睇到le度，我心中落淚。

係因為為左個d"友情"感到可惜呢﹖
定係心明世界係幾咁現實﹖


um……我得出o既結論係，啱傾咪繼續傾囉~
唔啱傾咪各閃囉~

洗咩為左"朋友"2字，而監硬話係"朋友"﹖




最離譜係，你同我講你係我"知己"囉……
我幾時認你係我知己﹖諗起都好笑…=___="