頭很大．大想頭．想過頭 一期一會。

65愛的鼓勵 0訂閱站台

26-29/12/2005

返左大陸享受"退休生活",只係食,訓同睇電視,咩都唔洗做,真係好"梳乾"~
其間仲去食下宵夜,沐足,正!

但沐足又有一小插由,真係他媽媽o既兒子,又氣又好笑~

話說當晚,我三叔帶我,爸,弟,仲有佢d朋友(我都成日見,識識地咁啦~),
一行7人浩浩蕩蕩咁去酒店"摔腳"(即沐足~),因個晚顧客多,咁我地都冇計,唯有等~我就係度睇"巴黎戀人",佢地就傾計~

突然間,殺左男仔入黎(係青春少男個款~),
心諗,你唔係入黎幫人"摔腳"下話?
見佢四圍咁望一望,望向我個邊,
wah~你唔係想摔我隻腳下話?
佢笑笑口咁,真係走黎我個位,
wah~你真係黎摔我隻腳?
佢真係一個好好笑容o既男仔,而且仲好靚仔,真o既,佢真係幾靚仔下~
佢一行埋黎,就好熟稔咁"mou"係我腳邊,我眼都碌大埋,
本來雙腳放平,我都拿拿聲縮起,佢竟然好"快"咁"移動"過黎,
已經係我唔為意時摺起我隻褲腳,我實在唔知發生咩事,
叫左聲"你等等先~你等等先~",
就轉頭望住我呀叔,都未出聲,我呀叔就問:你介唔介意用男仔洗腳呀?"(佢個樣好認真,真係唔覺有問題個wor~(激死!)
你都傻o既,我好歹都係一個黃花閏女,你叫個男人(仔)摔我隻腳?shit!
我梗係"好聲好氣"咁話:唔好啦~你叫個女啦~(真係想叫聲你大佬~)

而個摔腳男就唯有又笑笑口咁離開,但我想話個刻我覺得佢o既笑意味住d野,
就係"丫~你le個小妹妹咁怕羞o既,真係好玩o勒~"....=.=...咁囉~

最後,有個女摔腳人幫我摔腳囉~不過幾開心,我同佢傾左陣,佢個樣好似Isabella(梁樂施)架~不過塊臉d暗瘡就多左d~佢做左幾個月,本來做左工廠都有4年,但覺得少,所以轉黎做摔腳,依家都有$1600一個月,個度d摔腳人都有成百幾個,我同講頭先摔腳男d野,佢就"噗!"咁笑左出黎,仲同我講嚇親我唔好意思,原來le度得3個男摔腳人,因為女顧客少o既關係,而且多數係女顧客先點男摔腳人~

其間除左摔腳,都仲有一大part按摩,頭啦~手啦~仲有身....=.="
真係好彩冇叫個摔腳男留低,唔係真係畀佢摸全相咁制.

其實我都唔係第一次沐足,而且都試過用男摔腳人(都係太多顧客關係,迫住用~)只不過個d真係淨摔腳,唔會包埋按摩頭,手,身個d囉~

今次真係畀我呀叔"落面"....

咁大班麻甩佬,我邊好意思睇住個男人(仔)"服侍"我先??!!
而且我仲未到d師奶需要背住老公,搵d後生男仔黎"服侍" o既地步囉~

就算我要呀~都唔係係你班麻甩面前啦~益你地咩?!頂!

諗起按身個part,如果係個摔腳男...
wah~我真係頂唔緊,雞皮都起埋~~