13/12/2005
差唔多11點幾,收到kf電話,
把聲死曬,一問,原來佢當黑ing,
約我出黎食宵夜,順便安撫佢.
其實我已經"欄"左上床,
仲刷埋牙,準備訓覺,
以我咁懶o既性格,
又點會因佢一句食宵夜而落床,
但見佢咁o既死款,
又點忍心話"唔得呀!死蠢!"?
最後我同佢去左聰嫂度食.
點解佢死曬咁呢~
原因就真係做戲咁做,
講你聽都笑到反艇,
就咁,我笑到收唔到聲.
話說,
前一日佢同同事返大陸行下,買埋碟,
點知佢返香港過海關時,
突然有幾個白色衫人,快步走埋佢身邊夾住佢,
話佢體溫38度,要佢去check!check!,
原來kf個白痴仔發緊燒(而佢仲以為自己前幾日已經病好!),
佢話個時d人好似見到鬼咁,
個個望住佢,不知幾大老尷,
佢講到le度,我已經忍唔住講左句"抵死"!~~哈哈哈哈
check左其實係d小病,唔係禽流感,
但d海關唔知係咪見kf樣衰,就話橫掂都"的"左佢入黎,
"順便"check埋有帶遺禁品(哈哈!~kf條友點會唔買碟先得架?!),
一check,死得!kf買左4隻(今次算少,平時真係唔止~)
不過個海關見佢係少量,自家用個款,唔係運貨個隻,
就......大家明啦~平安!平安!
kf個死仔,
都唔知係咪踩屎,
過關時,佢打算拎個手提出黎打,
點知....唔見左...=.="
第一時間知道,係大陸行時畀人撻左.
就係咁,一連三單,
真係黑到冇人有,佢話返到屋企,
點知冇曬人,枱上有張字條,
上面寫住"記住鎖門",
過左一,兩日,都唔見屋企人係度,
個白痴先醒起佢屋企人話過會返大陸玩幾日,
(都唔知咩家庭,咩都唔交帶...)
受到咁多打擊後,
連屋企人都捨棄佢,
哈哈哈哈!
就係咁,佢就搵左我出黎安撫佢o勒~
個晚,
我真係覺得佢o既經歷好amazing,
雖然佢真係好慘,又成個孤兒仔咁,
但我真係忍唔住,
都不時笑左出黎......>
文章定位：
