頭很大．大想頭．想過頭 一期一會。

65愛的鼓勵 0訂閱站台

前日咪有對中五小情侶跳樓死左o既,
當時我聽緊903新聞,一邊做野,
第一時間聽到個咁o既新聞,
我都呆左下,心諗究竟有冇聽錯?!

返到屋企問老豆有冇睇新聞,原來係真個wor~

我真係即時鬧左出黎,
有冇搞錯,
依家d中學生諗乜架?
感情o者!~洗唔洗困擾到要跳樓呀?
你老豆老母養你地,都未回本呀!死?!

我仲心諗,
都話咪生細路架啦~生出黎自己跑去死,
o徙米飯!

我好嬲,嬲到爆呀!
真係好憎人郁d就死le死路!
唔明點解d人連死都唔怕,
咁仲有咩好驚丫??
咁唔係應該所謂o既橫死掂死,捱過去先囉~
或者捱過後,其實真係唔係d咩大件事呢?!

死左,做得D乜??
有咩幫助??

逃避囉!
依家d人捱唔住就去死,
我覺得對唔住o既唔係你身邊o既人,
而係自己,
le個世界大把野未試過,
有好o既,有壞o既,你捨得唔去試,唔去睇,唔去玩??
我唔得~所以我好怕死~

細時,
我好憎我身邊o既人,覺得冇人重視自己,
對咩都睇唔順眼,想死係平常事,
個時我真係咩都唔怕,大不了咪死.

但人大左,真係愈黎愈怕死,
因為我發覺le個世界有好多野都會令到我覺得開心,
原來le樣又或者個樣,我希望成日見到,又或者接觸,
"娘"d講句,人地唔愛自己,咪自己錫自己囉~
大把野可以令自己開心啦~
no big deal wor~所以我唔捨得死,

當然,
我可以係度大大聲咁講,係因為我係旁觀,
但就算touchwood係我,我都冇諗過去死~
我只會諗辦法解決,因我知最壞咪死囉~
所以未死都仲算未去到最壞個wor~
只係睇自己有冇心去承擔自己所做o既野之嘛~

拍拖咪拍拖囉,
最多畀屋企人嘈幾句,
我係要拍,你吹得脹呀?
有bb o既話,
最多咪停學一,兩年,做未婚媽媽,
又或者要打幾份工養細路,
畀人白眼,都要照受架啦~
咁係自己唔諗後果,做左個前因出黎,
就要承擔後果家啦~係咪先?!

但唔代表你就衰一世架嘛~~下話?!

可能拍拖個另一半,真係goodfit都冇論,
執到件筍貨,咁你咪拍得好囉~
可能有左bb,個bb腳頭好,即中六合彩呢!!

唔到個刻都唔知會點,
咪當係個GAME,
玩住咁過囉~

每件事都有兩面,
睇你自己點睇之嘛~

當然,
揀得去死,佢地都未諗到le個層面啦~~

讀書叻有咩用?EQ低就夠死~

擺明走去跳樓死,就係錯!
仲累街坊添~
要人幫手執返d手呀~腳呀咁!
罪孽深重呀!

當然,
條命係自己o既,鍾意點咪點囉~
何況都死曬啦~冇咩好再講?!


唉~~今日火爆上身,
真係勞氣!!