[情書],
10年前的一套經典.好!
廣告話:
10年後重現大銀幕.
(重乜鬼野現,油麻地百老匯久唔久就做啦~你以為我唔知呀?!)
小妹第一套睇o既日本電影,
如冇記錯就係le套[情書].
但唔係係戲院睇,
而係係大陸買老翻黎睇.
(個時真係冇乜原創意識,但做設計後,我反悔了了了了了~
個時咁細,邊識去戲院睇?錯都錯左,咪提啦~)
雖然係細(年紀),但我早熟,
所以睇得好有feel,睇到眼濕濕.
簡直係覺得,
le個世上點解會有d咁好o既戲,
我完全未睇過le一類咁good o既電影,
個時真係極度感動架~
雖然好誇張,但真係咁覺得.
le套戲令[藤井樹]le個名變得浪漫.
(但唔知點解,台灣有個旦散作家自稱[藤井樹],因為佢用le個名,
所以我買左佢兩本小說黎睇,一睇,真係想鬧爆佢,你寫乜垃圾呀下?回水呀!
學咩人用[藤井樹]呀下?簡直離譜,影衰曬~!)
仲有SX 70,
一睇個場博子係度影操場時,真係隻眼發光,
點解會有d咁靚o既相機,其實係知道有le d老爺款式,但真係好少見,
用係le度,個感覺真係好好,一句講曬,
型,靚,正!
睇完後,係勁想要部,但個時邊諗咁多, 只有想下囉~邊識去搵丫~
係大左時,先記起想要,其實市面都仲幾多sx 70,
(但買時要小心囉~因d皮呀~機能呀~都幾有差別,唔識野,好易買左反黎唔用得~皮又可能花左~,價錢都ok o既,千頭千尾都有一部,但要識得用先好囉~唔係盞買返黎,得個擺字,會"size"左部好野~就因為咁,我到依家都未入手,因我怕會浪費左佢,我情願畀d識野o既人擁有.我讀設計時,問過攝影ar sir(佢好有料架~),問買部sx 70好冇,佢隻眼突然發光(真架~),舉腳贊成,話鐘意影相o既人,一定會有一部,雖然我鐘意影相,但要"升級"玩effect,就要好落本,我邊得黎咁多銀,買部機唔係問題,但一諗起以後要買好多好多即影即有相個筆錢,就真係貴到你媽媽都唔記得姓咩~~~所以我都係暫時放棄先,請等我發左達後先再講啦~)
另外,
令我識得小樽le個地方,
係好出名玻璃o既,
又係浪漫野~
柏原崇,好靚仔,
到依家佢結左婚,
我都幾鐘意佢~~呵呵~
不過豐川悅司,
小妹唔係咁識欣賞,
個個都話佢係型男靚仔,
但識佢咁耐,
我真係一次都唔覺得佢有幾靚仔幾型,
只可以話cool囉~冇啦~
總之~
[情書]個故仔,
真係好浪漫,好好好!
而且戲入面d人物,
所做o既每一件事,
都已經係浪漫啦~~衰~
博子寄信去畀死左o既藤井樹.
"藤井樹"為博子去追回"藤井樹"在世時的回憶.
"藤井樹"暗戀"藤井樹",到事隔多年,"情書"被別人發現,
"藤井樹"先知"藤井樹"暗戀自己...........
如果柏原崇唔係死左,
我諗會冇咁感動.
個故仔真係好好,
如果柏原崇冇死,
都好感動,
而且可能仲有後著,
會有[情書 2]添~
(但我就係鐘意岩井俊二o既見好就收~
去到就停,唔係就過左火.)
但柏原崇死左,
我覺得睇得更有feel,
令人更欣賞le套戲,
更喜歡,
因個種淒美o既感覺,
好令人加分,
而日本人好受le d橋段嘛~
(我都受啦~)
(另外,柏原崇le個角色咁good!
係女人都希望有個咁專情o既人鐘意自己,)
"藤井樹"好幸福囉~
但如果我係博子,
咁就真係唔知喊好定唔喊好.....
經過一輛浪漫o既找尋回憶,
竟然發現你好鐘意o既人,
原來係因為你似佢喜歡o既人,
佢先想認識你,
就算佢到後來,
已唔係咁諗,
但我覺得都一樣會有條刺囉~
anyway~
好睇到不得了.
(今晚再睇返都好bor~)
另外,
[情書]隻OST真係好得好得(我買左都有成6,7年),
初初買返屋企時,用到部discman興曬~
皆因我聽完再聽,聽完再聽,
真係goodfit!
唉~
依家"10年後重現大銀幕.",
本來想去palace睇(竟然得一間重上...),
點知得palace ifc囉~死佬!
palace apm o既,我咪去睇囉~
依家咁遠,
叫我邊得閒呀??????!
如果唔係油麻地百老匯d時間唔就我,
我都想真真正正係戲院睇一次.
唉~
本來好娘o既"浪漫",用係le度,
完全唔同曬,真係goodfit~
文章定位：
