頭很大．大想頭．想過頭 一期一會。

65愛的鼓勵 0訂閱站台

13/10/2005晚上,
pretty打畀我(真係好日都唔見下o既~),
一開聲就一輪咀係咁講係咁講係咁講......
我都唔知佢想講咩,
叫佢停,佢先肯停.

"喂!咩事呀~講到咁急,我都唔知你想講咩~"

"你聽埋先啦~"

wah~~~咁急叫我聽,一定有古怪.

"咪住!老老實實,你講d野關唔關我事先?"

"關!"

"下?咁係好事定壞事先?"

"um....係...好掛,又唔係d咩壞事黎o既~"

"下?要諗過先答我?!"

"唔係呀~你聽左先啦~"

真係有d"劣"呀下~

原來佢想講次前舊生聚會中發生o既"小"事.

之前咪講過,
我以前讀個間中學搞舊生聚會o既,
原本打算同pretty去,
點知佢話唔去,
我又冇乜mood,
又冇理由自己一個"on居居"去,
咁最後我都冇去.

但pretty今次打黎,
話佢去左囉.....=.="
又畀佢"出賣"左.....
(pretty成日話一齊做某某事,到最後佢硬係搵到籍口撇開我,然之後又自己走去做,佢咁o既行為不知令我嬲過幾多次(當然,有幾嬲只有自己知,佢仍然當咩事都冇咁風流快活~),但我都仲當佢係"朋友",我都覺自己容忍力好好~)

講反正題,
佢話個晚真係有好多好多人,
歷屆所有舊生都有到場(係咪全部就唔知,因太多wor~).

其實今次搞咩咩舊生會,
係想為每年舊生聚會"籌期",
即如果想每年都參加o既話,
就交$500為終身年費,
$80的話,只係來年的一次参加費用,
畀唔畀適隨專便.

當然,
以pretty的縮骨性格,
佢梗係唔畀啦~
見咁o既勢,
佢話企左一陣,
就同以前自己班d人去左飲野~

不過,
佢打畀我主要係講,
佢逗留左一陣時,
所發生o既野.

好!正式入題~

佢話多數入會個d,係前我地幾屆o既人,而入左會o既舊生,
會坐係教員室入面o既(教員室真係幾大下~都有幾多吉地方~),
而pretty八掛o既關係,
冇畀錢但又想睇下入面有幾多人,
而守門口個ar sir(梁sir)係熟人(我都識,仲好錫我添~),
咁嗲兩野就畀佢入左去.

聽佢講反,
一入去見到第一排舊生,
就嚇左嚇.

因一個好高o既人就坐係佢面前,
就係--- Y先生,
pretty話,即刻就諗到我.

好可惜我冇去wor~(枉佢仲講得出口....!)

而件事真係冇咁簡單,
pretty望完佢後,
發覺Y先生身旁同樣坐住一個好高o既舊生,
一望,
pretty話差d爆笑左出黎,
因為果個係......我第一個鐘意同時又暗戀過o既師兄P先生,
佢話又係即時諗起我...+______="

我即時諗起兩支candle,仲要係兩支龍鳳candle...
(仲要坐係第一排,突出到咁....)

不過,如果個時係我,我都會大爆笑,
點解咁"齊人"??會唔會太巧合?

又如果加埋我第一個男朋友都坐埋係隔離,
咁就真係"三支香",可以開壇拜神啦~~kakaka~~><
(因我第一個男朋友係個時o既同學,仲係好高添~不過,聽講個日佢冇出席~)

pretty話,
佢個時都差d情不自禁咁爆笑起黎,
佢見個勢咁詭異,
就啦啦聲轉身走出教員室先笑出黎.

事情就係咁~

真係呢~~~我都唔知講咩好啦~~~

如果下年又叫我出席,
睇黎我真係會去,
因我都想睇睇兩支candle同場會有咩感覺~kakaka~~
八掛丫嘛~