頭很大．大想頭．想過頭 一期一會。

65愛的鼓勵 0訂閱站台

"佢一定唔還畀你!"

"下?(憤怒!)"

"梗係啦!S君之前咪同你講,佢上左法庭仲還左個萬銀交畀法庭o既?!"

"係丫!"

"佢個時好可能,想借S把口同你做返朋友呀!"


"下?(面皮咁厚?!)"

"點知你仲要佢還埋之前佢親口借左個d錢,佢睇你咁追法,都冇朋友做啦!
咁橫掂都係衰開,梗係玩失蹤,又或者同S夾口供,話搵唔到佢,咁去"夫"衍你啦!~~
等你搵極都搵佢唔到後,就放棄搵咁囉~"

"妖!聽你咁講,好肯定啦!~之前我都有咁諗過,但我想向"好"處諗,
你既然都睇到出,咁絕對肯定囉!!"

"唉~算啦!破財擋災囉~你都拎返個筆錢啦!"

"算?!算條命!我之前都有咁諗過算架,但衣家冇囉~
個筆錢係佢偷銀行,但要我還囉?!又唔係我自願借,le d債佢一家要還!
天經地意!!

但今次我追個條數係我係自己銀包拎出黎個bor!血汗錢呀!血汗錢呀!~~~
仲有呀~個筆數o既手續費,冇啦啦要我幫個賊畀埋,咩道理呀?!成$500呀!!

total-$800呀?!我捐畀南亞d災民積陰德,都絕對唔會益d垃圾!!!!"

"但南亞災民都未必收到啦~冇得拎返架啦~"

"咁我唔拎去捐,拎黎請朋友食返餐好好好o既,都好丫?!"

"or~咁你就一定要拎返啦~"

"我頂你~!"



le段就係我同朋友講返,
我le期向S君代我向死賊仔追返條數o既情況.
(聯絡過3,4次,佢都係好多"籍口"話搵唔到死賊仔囉!)

當然,
我地冇同當時人對質過,
但我覺得我地o既推斷好合情合理丫!

得出結論係,
死賊仔性本賤,
亦將會灌徹始終咁賤落去囉!

我真係好有衝動打畀佢ar爸ar媽,
鬧曬佢全家架~
但好明顯我唔係潑婦,
所以我都只係想.

真係愈諗條氣就愈唔順,
激到我丫~

以為還返個萬銀畀我,
就當咩事都冇?做返"朋友"?
做戲呀?邊有咁著數o既事呀?!
精神折磨左成4,5個月,邊個黎補償我呀?

何況d錢係銀行袋o既,
我又冇分用,
我衣家追返我d血汗錢,
應該o既!!!!!應該o既!!!!!應該o既!!!!!

有良知o既人,都識後悔,
會乖乖地咁補償返佢做過o既孽o既!!
但好明顯le個係畜牲,
冇性o既!
所以佢選擇玩失蹤,
再次走數!!

d人真係不知所謂!
社會垃圾呀!!!
都唔明d人點解仲可以厚顏無恥架?!


妖~好嬲呀!