頭很大．大想頭．想過頭 一期一會。

65愛的鼓勵 0訂閱站台

um....補充一下星期三O既事先~

當日,
除左我同朋友,
應該仲有個賤渣賊仔出現,
但個賤人冇出現,
反而佢朋友S出現左~

先介紹一下S,
佢係我中學朋友堆O既其中一個,
即賊仔都會識佢,
所以我都識佢,
而佢亦係賊仔畢業後成日聯絡O既朋友之一.

當日,
佢可以話係"戇居居"拎住份蘋果日報(佢性格都係咁~講真架下!)咁出現係法庭,
佢睇黎唔認得我,
一黎就四周圍望,
見唔到有識o既人,
佢再係門口"莊"下個幾個法庭,
入左去一陣,
又出返黎.

之後有個職員問佢有咩事,
佢話有個朋友上庭,
黎睇o既佢.

咁個職員就話...

"你朋友叫咩名?"

"XXX"

"佢幾點上庭?"

"09:30am"

"佢係咪係入面上緊庭?"

"唔係!"

"咁佢有冇請律師?"

"唔知!"

"咁佢可能同律師傾緊,所以仲未上庭,你坐係度等下先啦~"

以上係我朋友聽到後,
話畀我知o既,
因為聽唔清楚.

不久S就見到我,
但佢冇走過黎打招呼~

只係遠遠咁坐係度.......描住我...同朋友....= ="....
le個情況維持左好耐...(都痴痴地~)

我同朋友坐左成2-3個鐘,
職員差唔多每隔20mins就出黎叫名,
而個賊仔個名就叫左6-7次~
都冇人應.

而個戇居仔S就傻傻更更咁一條友等足咁耐.

我同朋友都推斷,
個賊仔一定係咩都冇同個S講,
即S應該仲以為個賊仔係無辜,
因為....大家見佢望我地個種眼神係....狠狠地O既.....(真係痴痴地~)
(又可能,我同朋友不時係度講笑,佢睇唔過眼掛~因為佢當我係衰人囉~)

而且,
正常o既人知道個朋友咁做,
就算仲當佢係朋友,
都唔會有心情黎睇佢上庭啦~

"睇黎係d人仲"曚下曚下"又知d唔知d先黎~"
係我朋友o既見解.

我地不停咁係度分析~(橫掂都冇野做~)

如果個賊仔當S係老死又或者仲有朋友又或者仲係"人",
佢應該會同S聯絡,
S仲要咩都唔知咁出現,
人地有冇請律師又唔知,
賊仔會唔會出現梗加唔知啦~
唔係S都唔會"戇居居"咁係度白等,
仲要不時"理直氣壯"咁"掘"住我地.....(無知白痴仔!)

好明顯,
職員聯絡唔到個賊仔,
而S都一樣,
如果佢知賊仔著草,
佢仲會係度等?!

(不過,唔排除賊仔耍計謀,叫S黎睇水呀下~
但佢有咁高張先奇~~雖然佢一直都覺得自己好醒~
哼!但佢係"懶"聰明個隻~~~~
D鄉下仔未出過城市咪以為自己好SAMRT囉~
以為可以厄人囉~
以為自己"醒"過好多人囉~
以為我蠢到唔敢報警,
以為一直係我面前扮"好人",
冇人懷疑佢囉~

我不知幾希望勸你ar媽生叉燒好過生你出黎呀~~
人渣垃圾,賤格!!

連朋友都厄,
等天修啦你~~

sorry!我一諗起佢當我係"拾下拾下"就好激動~**)

最後,
我同朋友都睇黎FEEL到D野,
就係...賊仔冇請律師!!

如果有請律師,
就算佢唔出席,
律師都要出現交代,
但冇!

又如果係賊仔因有病而不能出席,
佢應該會通知法庭,
又或者法庭搵佢時,
應該搵到,
而唔係3個鐘頭內不停叫佢個衰名.

何況,
小病都一定要出庭,
除非突然斷手斷腳生癌生愛滋(我都希望佢係~),
否則都要出席.

總結-------------------賊仔著草!

原因,
就係佢知道自己O既下場!
否則洗乜怕出庭?!

朋友又話,
佢一定知道自己衰硬驚起黎,喱埋左啦~

到左中午,
職員就先叫我地等下次開庭,
因為賊仔唔知死左係邊,
現已出WANTING架啦咁~

WANTING?
通緝下嘛~?
喂~~幾襯個賊仔丫~
"通緝犯",
新稱呼,
I LIKE IT!