頭很大．大想頭．想過頭 一期一會。

65愛的鼓勵 0訂閱站台

好奇怪~

係我唔知情o既情況下,
已經上左庭.

我意思係話,
未問到我告唔告個人渣,
警方已經同我"告"左佢.

而"人渣"o既下場,
我都唔知.

??我一頭霧水.

因我對le d警方辦案什麼什麼一d都唔識,
咁我見警方幾日都冇contact我,
我就打去問我平時聯絡開o既鄭sir,
究竟件事去到邊,
佢竟然同我請前日已經上庭,
我真係"O"曬咀.

做乜得咁突然架?
唔係點都要問下我告唔告o既咩?
(定係我睇得電視多呢?)

佢仲話法庭遲d就會有封信畀我wor~
信內會講我點做wor~
個筆數會同銀行講反
(睇黎係我自己要同銀行溝通囉~
因為今早銀行打黎,問我筆款項點囉~?!
我都想知點呀~姐姐仔!等我收埋個封乜乜信先知點囉~),
叫我唔洗擔心,
件事就會搞掂架啦咁~

我真係畀個ar sir搞到我一頭霧水,
我都唔知件事究竟去到邊個位,
做過d咩?我要做d咩?
要等到幾時?

佢好似同我搞掂曬d野,
但就唔同我交代囉~

hey~點先?
畀我知下都好掛~

唉~anyway~
個鄭sir雖然同我落口供時食煙又爆粗(唔係對住我講~),
同個爛仔冇分別,
但當我喊到成個傻婆咁,
又情勢低落時,
都安慰過我一兩句.
又好快咁同我處理件事(快到我都唔知去到邊...= ="),
我去銀行拎證明文件時有阻滯時,
佢專登去銀行同我拎,

雖然,
le d都係佢工作範圍o既事,
但我都好多謝佢幫我,
如果唔係,
我都唔知點做好啦~

佢仲問我點,
"滿唔滿意?滿唔滿意?"(個結果~)

我真係畀佢嚇窒左下,
雖然件事順行搞掂,
但佢好似仲輕鬆過我囉~

"ar...ok啦!"(......)
唔係我都唔知點答佢...=.="







今次件事,
唔大唔細,
當中我體會好多野,
"見識"到好多野.
知道左好多野.

原來,
我好弱雞,
係咁多人面前喊出黎~

同時又好硬"淨",
第二日就即生龍活虎,
仲同鄭sir講左樣我都覺得自己傻婆o既事.

我話"佢偷我野之前,仲問左我借$300,點算呀?點叫佢還呀?"
(你睇!我幾理智~)

佢呆左野架,
之後就笑住話"咁呀?le d唔係件案範圍bor~或者我幫你問下呀頭點做囉!"

我都覺得自己好白痴,
都好尷尬咁笑左出黎~~~

雖然,
最後鄭sir都冇辦法同我拎返個$300,
要我自己諗辦法.

冇左$300好肉痛,
但...當係買左個經歷囉~


唔係咁,
點睇到咁多野?!