頭很大．大想頭．想過頭 一期一會。

65愛的鼓勵 0訂閱站台

年頭到衣家發生左好多事,
我真係諗都冇諗過~

有好事有壞事,
不過壞多過好,
而且仲係壞到離譜!

就近le一個星期,
發生左一d我le一世都冇諗過o既野.

我畀一個識左差唔多十年o既"朋友",
係我唔為意o既時候,
偷左我o既信用卡同密碼,
係ATM提左2萬,
但卡限額關係拒絕左,
第2次,
佢提1.5萬,
都拒絕左,
第3次,
ATM接受---1萬.

隔左幾日,
卡中心打畀我,
我先知係我報失張卡前,
已經有1萬銀o既數係度,
仲問我幾時還.

個一刻,
做左廿年人黎,
第一次一片空白.

我畀人盜用左張卡,
仲係好順利咁,
"禁"一次密碼就成功個隻.

還?點還呀?!

放工後,
我即刻去左報警,
講曬我唔見卡個日做過咩,
同過邊個一齊.

個日我就係同我一個識左差唔多十年o既"朋友"一齊出街,
警方初時都唔係咁信我,
不停質疑我,
懷疑係我自己提款,
再扮失卡,
好難受.

警方同我落完口供後,
警方話我"朋友"有好多可疑地方,
畀人提款o既時間同地方,
就係我同"朋友"分開返屋企o既地方,
時間就係分開o既時間左右.

而之前,
我曾經畀過我個袋佢拎.
總之就疑點多多.

我好耐都未試過係人面前喊,
仲要係d唔識o既人面前,
個刻我真係唔知點做,
只係一五一十咁講曬個日發生過d咩.

個刻好無助,
我家姐叫我同媽咪講,
同埋叫佢陪我去報警先~

但我覺得件事,
係我個人問題,
亦唔想搞大件事,
所以我自己一個人去左報警,
(個晚好凍,
搞到我又慘又可憐.)

到第二日,
我成日都做唔到野,
擔心件事查成點,
又擔心捉唔到犯人,
我要點咩le筆債.

講真,
我又唔係搵得多,
我更加冇理由搵家人同我分擔.

去銀行拎返張transation做證明,
又畀銀行職員質疑多次,
又話事發地點同我住o既地方好近,
6,7個地鐵站囉?好近?

我又嬲又唔知可以點做!
心諗,
我係咪做過d咩大錯會咁對我囉~

到放工,
警局打黎,
話已經拉到人,
而犯人就係我o既"朋友",
警方話佢認左.

我一直都冇諗過會係佢做,
亦都冇諗過佢會咁對我,
因為,
我同佢不嬲都好老死,
friend到不得了.

或者,
"朋友"le個稱呼係我一廂情願掛~

我點諗都諗唔到,
佢點解會咁對我.

由失卡到我仲未發現畀人盜用張卡個幾日,
我le個"朋友"仲約我去睇戲,
佢仲同人講仲左"3穿7"咁o既野,
到我報左警通知佢,
佢都若無其事咁同我講野,
一d異樣都冇,
原來,
佢做戲咁叻.

本來擔心點還錢o既我,
已經唔再擔心,
因犯人已經捉到.

探員話:小姐!你太信任你"朋友"啦~

係啦~
我太信任佢啦~
就係太信佢,
佢利用左我.

而我冇為我le個朋友而感到傷心,
我只感到---憤怒.

我好嬲!好嬲!

佢做得le件事,
我覺得佢已經冇諗過我le個朋友o既生死,
1萬銀le條卡數,唔多又唔可以話少,
始終都係錢,
佢冇諗過我如果不幸咩起左le條數,
我幾咁麻煩,
幾咁大獲.

而佢仲可以若無其事咁做人囉??

朋友?

我真係覺得佢好無辱我wor~
係咪以為會冇人發覺??
定係以為我會心軟,
捉到佢都唔會告佢?

anyway,
唔洗我"貼錢買難受"就已經好好運,
我仲未黑到谷底.

thx god!


















衣家排期等上庭,
唔知到時會係一種點o既感受?