Sorry, 今日又搞到你唔開心. 但我真係唔知同你講乜好, 你感唔感覺到, 我個心真係痛到要裂開. 我有好野想同你講, 好多野想問你, 但我好失望, 你永遠用時機未成熟做藉口, 我想問你, 幾時至係時候?
你成日話唔想我唔開心…老實講, 我都好見到你好開心咁笑, 亦唔想你見到我反起塊面, 但係…你有太多野隱瞞住我. 你叫我唔好唸咁多, 你認為我會唔會真係乜都唔唸? 其實, 鰠你同我講你既事之前, 我已經估到七八成, 但我同自己講, 你一日唔話我知, 呢個都只係我虛想出黎, 唔係事實. 可惜, 尋日我無意中比我知道一d我一直唔想知, 亦一直好擔心既殘酷事實, 我尋晚係條街度係咁蕩係咁蕩, 我唔想返到屋企, 比人見到我唔開心, 我唔想佢地擔心我. 記得一年前, 我令到全家都為左我好唔開心, 最傷心既, 係最錫我既呀疖, 我第一次搞到佢喊, 我睇到佢個咁悲哀既神情, 個心好痛, 好真係唔想再生存落去, 但係, 我知道, 如果我輕生, 會更傷佢心, 所以, 我同自己講, 我以後都唔會比感情問題去折磨自己, 亦唔會再折磨人地. 好不幸, 今日, 我重滔覆轍. 我傷害到自己, 亦傷害左人地, 今日我唔出聲, 因為我真係唔知同你講乜好. 我真係唔明, 我做錯左乜野, 點解我想同自己心愛既人一齊都咁難? 點解上天要咁罰我? 點解要我一次, 一次, 又一次咁心碎, 唔通男人真係咁難相處既生物?
知唔知點解我會鐘意你呀? 你係我眾男性朋友當中, 最識體貼人, 最識關人哥個. 從來無人在我唔開心既時候主動去開解我, 去琑我. 隨左我以前既男朋友. 我覺得你心地好善良, 亦覺得你唔會傷害我. 假如我當初理智一點, 就唔會搞到你今日唸多咁多麻煩問題. 可能我一出世就註定係一個麻煩人. 或者我地一開始, 就已經錯左.
我好清楚, 逃避唔係一個好辦法, 但係鰠我既生命入面, 逃避係唯一解決問題既方法. 我無辦法做到咁堅強. 我真係唔知點去面對, 要作出一個自己唔想既決定, 係一件極為痛苦既事, 既然咁痛苦, 我點解仲要迫自己? 不如你比自己一個機會, 亦當係比個機會比我, 將你既過去話比我知, 等我重新去認識你, 好唔好? 前面既路將會好崎嶇, 有幾難行, 我睇唔到, 亦想像唔到, 我好想有個人帶領我走一段路, 希望今日我無搵錯人啦...
文章定位：
人氣(28) | 回應(0)| 推薦 (
0)| 收藏 (
0)|
轉寄
全站分類:
不分類
