各位親愛的朋友仔~由於台長今晚有點失眠,於是又開始想寫近來台長的一些經歷啦~~
好開心~~又可以同大家分享分享我d劣作,上個月19日係本台的一歲生日,因為台長極度繁忙,於是令到此台成為孤兒仔一名,生日都無人知…所以,今次台長就寫返兩篇…就當補數啦!!!呵呵呵~~~
2003年11月5日星期三(酷熱)
那是發生在一個曬到變人乾的下午…
中午1:45分,吃完飯後,我班的同學仔就”聽聽話話”的到了綜藝館門口集合,目的就是為了歡迎我們偉大祖國的第一位太空人---楊利偉同志。
Good!!!!有得睇太空人?正呀!!!(葉生的口吻)我們都抱住熱切期待的心情,去迎接這位偉人!!!當我們知道我們要站在街道兩旁時,都沒有什麼反應,但當知道我們站的位置是太陽直射的地方時,那時真係怨聲載道呀!!曰:搞錯呀!!企街邊,一陣睇楊生架車咩???又曰:有冇搞錯呀??3:00先開始,咁點解我們1:45就要來到呀??幹什麼??又曰:嘩!!又悶又熱,不如我地玩續歌仔呀….(呢個咁白痴的諗法!!一定係欣姐莫屬la!!陪佢癲哥個..就係唯一一個傻人…我…)
期間,不斷有好多政府高官的車子,有車牌MH00-01,0002,0003,0004…..審計廳…又咩咩...呢d我都唔知,我連佢家中的老鼠我都唔知…這些又與我何干???(台長好像粗魯了~~點算?)
來了,我們一陣的尖叫聲,他,出現了,無奈只見到他的背側面,仲要隔住50公尺,這時我感覺到像是即將有暴動產生!!後面的人不斷向前推!!!!!於是我左閃右避的鑽出人群中,透氣…
過了二分鐘,同學仔都走了,我唯有倚欄杆處(用膝蓋頂著)整理書包,突然我感覺到身邊的人像擴散作用一樣,消失了,繼而就是一陣殺氣,對!!!就是……一個拿住咪高鋒的人,一個拿攝影機的人,因為他們是正面過來的,我看不到是哪一間電視台,不過我心想,還有那一間呀,咪又係澳門唯一哥間lo...就這樣,就給那人訪問了接近一分鐘…
記者:小姐,請問你對今次近隔離接獨太空人有咩感想呀?
台長:哦~我好開心呀~能夠親眼目睹中國史上第一位太空人楊利偉同志,我個人真係深感榮幸。
記者:哦!咁今次楊利偉來澳,剛剛落車時無走過來同你握手喎,你有冇感到失望呢?
台長:失望呢,就一定有架la!!不過現在遠隔離咁見到佢(台長當時做出一個把手放在額頭上做一個曬太陽的動作),我已經好心滿意足了,呵呵。(台長欲走,卻被止住)
記者:咁你對今次中國太空人能順利上太空,你有什麼期望?
台長:哦!我有機會的話我都想做一個太空人(單手托眼鏡邊,狂眨眼),不過,可惜我沒有這樣好的體魄,所以我非常佩服楊利偉同志的堅強意志,我亦都希望,中國航天技術可以突飛猛進,有朝一日可以普及民間。
當我被問完時,一個師姐叫小玲的走過來說:嘩!你答得好好呀,又大方,又得體。
跟住我話:唔係,我超樣衰呢!!!今晚記得睇澳廣視la!!不過唔好話比人聽我比人訪問呀!!!一定笑死人,不過,我諗唔係個個人都睇澳x視架la!!怕咩~~hahhaa
小玲:呀…唔係澳x視呀….係無線…
台長:呀?啊?依?………….?////
那天晚上6:30分,我和小玲去盛記吃糖水,剛剛好播出我那個片段…足足播了10秒…那時,眾多的目光望向我,然後看看電視,然後問:依,你上電視喎..
台長:…………..
當我睇到自己上電視動作多多,個樣又白白痴痴的,都好驚怕…
點知……
播出我那段片子的最後一句話竟然係………………………絕對無人會諗到…………………
就係:我有機會都想做一個太空人………….之後的…比佢cut哂………..
yes!!我知道,這樣子,我會顯得更弱智…..明天一定比同學仔笑死….
不出所料,依?你尋晚上電視喎太空人張x莉…….
台長:邊有呢?你一定認錯人///
曰:依?你尋晚好白痴喎!!
台長:喂!!好lo喎!!!我邊有白痴..
但最意想不到的………………
當我去飯堂時,一個在那里工作的嬸嬸…說:依!!你咪係尋晚上電視的那個姑娘呀!!!
台長:人有相似,物有相同,你眼花!!你一定工作太忙,多d休息吧la…..
到了星期六班務堂,班主任對全班說~你地的班長仔成為當紅炸子雞了…hahaha~~上埋電視喎!!第日記得比個簽名我……………………………(長嘆中)…………………………
now!!每個同學仔都模仿緊我那句和那動作:我有機會都想做一個太空人……….(托眼鏡,狂眨眼)
不過,這次都是一個難忘的經歷,令我知道了很多的東西,因為6:30新聞完了,我爸立刻打電話比我!!喂!!你上電視喎!!叻女!!識搶鏡!!!………….
由此可以睇得出我爸原來有睇新聞的習慣…倒是我就沒有了..
仲有,聽說那天晚上,很多人睇完之後都立即噴飯///瞳孔放大十倍以上…
仲有,,,連台灣的昕哥仔都知……真係多得阿姨的功勞!!!!haha~……..
經此一歷,我發覺我以前高三望班的班網…,宣傳能力十足,不用一天,很多從不同國家的同學仔都知道我呢件事,想起來,真係幾搞笑。
我也知道,我是一個會令人發笑的傻婆一名~那挺好~笑一笑,世界更美妙~~
文章定位：
