w-inds. 出咗新 Single，但因為港版多 D 嘢送，又有海報，又有機會抽到件衫，所以拖到 8/6 至買﹗俾 $$ 時，唱片舖老闆話今次改咗唔係抽獎，而係見到張換領劵就係中咗喇，祝你好運喇﹗去上英文堂前，見仲有時間，拆下睇下中唔中先。竟然…
中咗喇﹗就係呢張換領劵喇﹗
呵呵﹗好嘢﹗只係 $60，就有碟聽，有衫著（你冇衫著咩﹖）不過佢換領時間超唔方便，星期一至五，仲要 7 點就關門，好彩我 12 號係 Last Day 啫，咁星期二就可以去換衫，順便搵 Rita 食飯（前公司 Shop Manager，細我兩年，但已經係 Manager 級）。講起佢，有人拉佢跳槽呀﹗嗰間既人我都識，就係第一次出 Show 時拍住呢間公司既，而家呢間公司越做越大喇。而佢又係 8/6 同我講第二日遞信走，咁我叫佢問下新公司請唔請人，可以既話過埋去一齊做。睇下點啦﹗一切都係未知之數﹗
私：（飛撲向 w-inds.）嘩~~~~~中咗件 tee 喇﹗中咗件 tee 喇﹗
w-inds.：（遠望）發生咩事呀﹗邊個傻婆嘈生晒，阻住我哋拍 PV 。
w-inds. 經理人、PV 導演：食蕉﹗快 D 趕呢個傻婆走﹗
私：（被食蕉拖行中）呀~~~~~你哋咁對我架，嗚~~~~~~~
涼平：嗱﹗聽下﹗就係呢把聲喇﹗原來上次喺公仔入面嗰個係妳﹗
慶太、龍一：哦~~~~~（細聲交頭接聲）涼平好恐怖呀，嗰件事記到而家﹗
PS 如不知道公仔事件，請回看『一線曙光 ﹏╯v╰﹏』
文章定位：
