重有七日我就要開壇作法，面對正（管好個倉）邪（對住低 B 仔）之戰，究竟鹿死誰手，七日後歡迎大家俾面出席，可能我到時整緊個倉，油頭垢面，身水身汗黎向大家報告最新形勢，但我唔會介紹低 B 仔俾大家識，因為我諗佢會鬧我做咩叫咁多人入黎阻住佢做生意。不過學錢嘉樂話齋：醒大家一個貼士啦﹗你扮客搵佢介紹邊隻 Software 好用咪得囉。不過介紹完記得買番隻喎，我都要搵食0架。嘻嘻﹗
另外因為老 4 都會落場睇住我地，所以我唔方便同大家打招呼，不過大家可以打電話俾我，話我知大家黎左。
最緊要既唔記得講，我間公司叫 Encore，但係今次我地會同 Ulead 一齊做拍檔，即係我地會賣 Ulead 既野。
明天再續。
文章定位：
