■□ Glamorous Days ■□ ＊ 就當一切難得＊ ＊＊ 所以珍惜 ＊＊ ‧能 珍 惜 最 好 的 事 情‧ ‧能 欣 賞 最 差 的 事 情‧ ‧能 感 激 最 小 的 事 情‧ 成熟的人不問過去； 聰明的人不問現在； 豁達的人不問未來。

2,199愛的鼓勵 0訂閱站台

2004.05.26 【星期三】 爆熱

今日做o左一個好有heart既青年人去探討中國文化，晨咁早就衝出香港，去了長洲一年一度的「太平清醮」。

一日最衰都係春春，「聊」起人o地最後自己又唔去，但係我又唔知點解自己「堅持」要去o羅 = =" 最後得我同大珊2條友衝出香港^^ 但係今朝起身o左陣，好早‧‧‧

約o左大珊9:30，明明可以早d出面口但係hae下hae下又遲o左 = = 去到巴士站仲要冇車...大珊打o黎個陣，我仲未上車 (嘩哈哈)。去到九龍塘都係遲o左少少o者^_^

去到馬頭，激多人排隊搭船入長洲，一路行一路行都仲未見到龍尾，所以我o地就咁就u-turn左喇，唔理得咁多^^ 繼而一路行係不斷有人插入o黎 = = 不過見係d公公婆婆o黎o既，咁就算啦~

雖然多人，但係都好暢順好快就上到船。仲排排下見到阿恒 = =" 一上到船玩o左一陣就zZ...D海風吹埋O黎，好舒服好好訓~

一切都好順利十二點幾入到去，首先係行下街先O架! 就係行行下之際見到APRIL同埋一D認得個樣但係唔識O既HALL友，真巧合! 好多O野想買呀..有好多我心儀O既CANDLE，果然..好快我就拎$_$出O黎買O野..^_^"

之後都係周圍行下，行到個「北帝廟」見到3大座飽山，好高呀! 但係真係多人到顛，幾經艱辛先可以迫返出O黎，迫到成身汗 = =


之後就去O左食O野，係茶餐廳入面，涼浸浸冷氣~ GOOD! 飄色巡遊2點先開始，但係我O地食完O野出面已經塞滿哂人，行都行唔到，所以我O地就涼住冷氣睇飄色，絕好! 原來每一條街都會出，所以行O左勁耐‧‧‧好熱鬧好有氣氛，D小朋友好鬼得意，原來做一做飄色有成500蚊，拎下旗仔都有40蚊...但係我見到D小朋友好辛苦，曬到紅哂又熱咁 = ="

都睇O左成個幾鐘以為完啦咁就走人，就係行到出大街警察叔叔話未完 (咁佢之前又解封!?) 激死人...d人又係度起哄你一句我一句惡言相向，好恐怖，好似羅湖過關咁 = =

又係一波3節之下先行返入小街，再由小街行返去碼頭附近。買不到小短褲 = = 最後去埋7-ELEVEN (話說我O地想食久違了的"思樂冰新地"，但係收銀哥哥話「冇」左喇喎...O下! 暴露O左我O地O既年齡) = =) 最後我食O左個細思樂冰，但係我飲O左1/3到就已經唔想再飲，都唔明D人點解可以飲到一杯中O既 = =

回程等候船時比較辛苦比較曬，D人好好好...臭= = 我透唔到氣。 仲有後面有2個年紀大個我爸媽O既一對嘔心情侶在人迫迫之下都仲可以攬攬XX，莫視身邊O既人O既感受，真係想打人。

上到船，就係想訓覺之際就見到有人好緊張咁敲船長室O既門‧‧‧WHAT HAPPEN!? 原來一直聽到O既砵砵聲係「水警」發出，原來有人報O左警話非禮喎...而個個女人就係頭先排我O地後面個對嘔心情侶，唉...佢肯定係大陸人O黎O架，淨係識得搞事得把口!! 搞到我O地係海上停留O左成15分鐘，架船又停O左MOTOR，好浪浪浪.....

雖然我O地不斷係度自娛...D娘相就咁就誕生O左 > <

落船後行去搭MTR，爆支力，直情係「個心想行快D，但係行唔到」。去埋填FORM就返O左屋企喇....

返到屋企一直都唔覺暈，夜晚上床訓就..


出哂事 = ="