香港之旅PART2.2 (外傳)＠^o^天上有天, 雲下有雲 ~.~

2007-03-19 03:17:52| 人氣26| 回應0 | 上一篇 | 下一篇

香港之旅PART2.2 (外傳)

推薦 0 收藏 0 轉貼0 訂閱站台

諗番起, 其實哥日帶我去大嶼山的B朋友係一個幾細心的人(除左佢LIKE賭錢之外, 但又要俾佢勝多過輸喎), 佢知道我唔太熟香港D路, 所以整日處處都帶住我行, 即使其實佢都唔識路, 哈哈~~~

印象最深刻的係在回程時佢諗住返中環間學校到簽個名, 然後走堂同我食晚飯, 因為哥晚我就返澳門了; 於是我地乘地鐵到香港就出左閘, 本來佢話係有路行入中環的, 但其實佢又係唔記得點行, 哈! 因為佢平時真係唔多出街的, 但次次我過去佢都會出黎見我的 :p

於是我地在香港的地鐵站走出走入, 約二十幾分鐘之後終於俾我地found out the way to go to 中環中心, 去到我在門口等佢, 發現哥到有幾間社會服務機構的~~ 佢仲搞笑, 去到至知道原來哥晚八點半要open book exam, 唔考會無證書拿, 那時是七時半, 佢拿住助教借俾佢的書走出黎, 話帶左我去上環找我的M朋友, 然後佢至返黎考試; 我已經同佢講左我自己行過去都得, 因為佢之前至講完我聽向左行係上環, 右行係中環地鐵站, 但佢話帶得我出黎點都要帶我返去找我朋友, 佢至放心返去考試喎! 於是我無聲地跟住佢急步走向上環地鐵站... 我地走入上環E出口, 又由E出口走入上環C出口, 終於找到M朋友, 大家都成身汗, 好似跑完咁, 其實係行得好快至真, 然後佢又急步一枝箭地走了, 快到我未上到地面已經唔見左佢, 勁!!

記得上年我同佢去海洋公園玩萬聖節PARTY, 玩到十一點返旺角食野, 食完都十二點了, 佢驚我唔識坐小巴返青衣, 所以陪我坐返去, 返到我住哥到樓下, 佢再坐小巴返旺角, 再轉車返九龍灣, 之後聽佢講哥晚成二點半至返到去, 佢都算唔話得了.

今次佢係去我住的地方接我再去大嶼山的, 因為我近佢住的地方, hehe..

所以, 我覺得好好彩, 咁都俾我識到尼個朋友仔, 可能剛巧大家都傾得埋啦! 亦好多謝佢次次都出黎陪我玩, 仲帶我返屋企, 雖然佢睇唔到尼篇野 :P

我要檢舉

台長：小雲雲

人氣(26) | 回應(0)| 推薦 (0)| 收藏 (0)| 轉寄
全站分類: 不分類

回應(0)

^o^天上有天, 雲下有雲 ~.~ 在這個世界上又有幾多人嚮落雨時會有人替他／她撐雨傘呢？？？ 相信過半數的人都是自己顧自己的吧！ 537愛的鼓勵 0訂閱站台

香港之旅PART2.2 (外傳)

^o^天上有天, 雲下有雲 ~.~ 在這個世界上又有幾多人嚮落雨時會有人替他／她撐雨傘呢？？？相信過半數的人都是自己顧自己的吧！
537愛的鼓勵 0訂閱站台