24h購物| | PChome| 登入
2006-06-13 01:03:54| 人氣15| 回應0 | 上一篇 | 下一篇

病~.~

推薦 0 收藏 0 轉貼0 訂閱站台

病，病左四日了，到今日下午至捨得去睇醫生，不過卻得到一些意外的慰問！

事關，上周五就開始發病，喉嚨痛、頭暈，哥日下午同一個專幫我公司的內地人搞勞工證的職介所人員（簡稱內地經理）交收文件時，佢已知道我病病地，雖然佢係北京人，講普通話，但我地自從曾幾何時接觸第二次後就已經變得好熟絡，所以哥日佢己經慰問我一番，仲叫我要休息多Ｄ！之後可能佢返到公司同另一位同事：亞姨講我病左，我同哥個亞姨又係好熟的，於是她又特登打電話到我公司叫我要睇醫生，尼一日係我成個星期裡最覺得溫暖的一天。事關公司內部大地震，嚴重影響我ｇｅ情緒．．．．．．

到左周六日，由於諗住休息多Ｄ應該ＯＫ，所以無睇醫生，在家休息同溫習，因為周一開始考試了，可是．．．病情有增無減，唉！！！

到左今日朝早又收到內地經理的電話，除左問我公事外，亦問我好Ｄ未，點知我對住個電話咳左兩下，佢的反應係：”唉！可憐可憐，可憐的小孩，你這樣我很心痛呀！”哈哈，其實類似的說話佢上周五都有同我講過，我覺得好得意，同時覺得好warm，可能响佢眼中我就好似佢的女兒掛，因為佢覺得我只有18~20歲，大佢個女唔係好多，所以對我特別好，（唔知點解個個外間人睇我都話我未夠18歲，連地盤的保安哥哥都問我夠未，未夠唔入得，到依家成個月了，佢都仲係咁問我，唉，我真係俾佢激死），話說回來，個內地經理差唔多日日都會打下電話俾我，有公事就講公事，無公事就傾下計、吹下水咁，五分鐘十分鐘左右，哈哈，好似已成習慣咁，好有趣，我亞爸成日話我，人地有老婆仔女架拿～聽完我都唔知好笑定好嬲～

到左下午，同另一間搞香港人勞工證的勞務公司人員通電話時，佢聽到我把聲，講左一句：”嘩！你好唔店喎把聲！”其實我朝早至去完佢公司啫，唔通我朝早頂得叻，所以唔似病？？之後佢問我有無食葯同睇醫生，但因為我有食藥但又無睇醫生喎，所以佢的反應跟住就係：”唉！你真係自己攞黎了！”嗚嗚～～好慘呀！俾人話，不過亦因為咁我認真咁諗左一諗，都係去左便民睇醫生，事關今晚仲要考試，但成日都記唔到野入腦，又無精神，咁樣連吹水的精神都無，所以我都係決定快Ｄ掛號睇醫生同食藥好了！

睇完之後發覺，原來我又一次氣管敏感了，難怪咁難好啦！回想起，我仲被迫在病況初期，一日走去地盤兩次添，真慘！







吾，夜了，係時候休息了！！！

我要檢舉
台長： 小雲雲
人氣(15) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 個人訊息分享 |
此分類下一篇:小小新改變
此分類上一篇:我要.....

TOP
詳全文