^o^天上有天, 雲下有雲 ~.~ 在這個世界上又有幾多人嚮落雨時會有人替他／她撐雨傘呢？？？ 相信過半數的人都是自己顧自己的吧！

537愛的鼓勵 0訂閱站台

4月14至15日 晴 & 陰
同好朋友亞MAG去左廣東從化仙淋園泡溫泉, 哥到唔算得上山明水秀, 但尚算少人及清靜, 可以好好休息一下, 因為車程都將近要五個鐘, 所以坐到腰酸背痛, 頭痛痛咁, 不過都值得的, 因為可以去避世, 又可以泡溫泉, 又可以行公園仔睇山睇水睇樹木, 哈哈, 真的好有渡假FEEL, 不過未有相睇呀, 因為相機响朋友到呢! 下次我要再去第二個溫泉區玩! ^o^


4月17日
12:30AM
當我正在一邊聽音樂, 一邊睇TEXT BOOK準備小測, 一邊分心諗緊房內的物品放置問題時, 剛巧聽到林峰的“領會”, 頓時我對自己發出一個疑問: 點解…我會仲繼續…住在鏡湖馬路…72-74號…3B這個單位內呢???

　　<領會> 　演唱：林峰
　　誰明白我心裡　此刻的思緒　獨為愛酒醉　愁恨總過去
　　聚或散　都不可怨對　為何　命運玩我共誰
　　仍舊要說句　與苦戀寄居　難得可以去愛　既珍惜你在
　　那懼日後寂寞　過未來　如此分開　是非抑壓著愛
　　冷漠回頭來　無意外　情癡　怎不愛
　　誰忘掉　這真心記載　無謂再　延續銘記那深痛哀
　　沒有將同情　加於今世　哭泣中洗禮
　　讓我可遺忘一切　是怕證實愛真偽
　　在瞬間循環　欣喜感慨　歌聲中消散
　　緣盡也記掛　剩風霜蕭颯間　相識已晚
　　從今可以去愛　想衝開障礙　註定寂寞伴著看未來
　　何必分開　若非討厭被愛　美夢重頭來　才意外
　　難捨　終需要　齊忘掉　這悲傷記載
　　遺憾愛　無奈變作最深痛哀　莫再將同情　加於今世
　　哭泣中洗禮　讓我可遺忘一切　是怕證實愛真偽
　　在瞬間循環　欣喜感慨　歌聲中消散
　　緣盡也記掛　剩風霜蕭颯間　是你將同情　加速傷勢
　　錐心的婚禮　沒法子遺忘一切　誓要證實愛真偽
　　在瞬間償還　悽慼感歎　追憶中消散
　　明月照半晚　剩孤單轉眼間　終於會慣

1:48AM
承接之前諗緊GE問題, 記得自從尼個單位在上年年頭裝修到依家已有一年多了, 之後即使書櫃同櫃樋已搬入我房內, 但到依家我只放左一箱多GE書入去, 且仍未執過同自己有關GE野, 一直我都拿不起心去執, 本來我都唔知自己點解會咁, 但尼晚當我做緊上述三樣野時突然想通明白(有所領悟), 原來因為我一直都唔覺得自己有一個空間係屬於自己的, 所以執與唔執都好似同我無關係咁 (即使我响尼間房內瞓覺); 另一方面正因為我無咩屬於自己GE空間, 所以當我放好多野响個枱呀、櫃樋內呀GE時候, 可能無形中係想佔有哥個位置, 因為我唔俾人地搞我GE野嘛! 咁我咪可以佔有哥個空間攞!!! 哈哈…. 真白痴!

2:50AM
已經坐到屁股痛, 差唔多要瞓了, 但聽聽下歌突然想到, 從前我喜愛的東西、歌… 唔代表別人都喜歡, 我亦唔會逼別人喜歡, 即使對方口中話喜歡, 亦唔一定係佢真係喜歡喎, 咁又何苦呢?