^o^天上有天, 雲下有雲 ~.~ 在這個世界上又有幾多人嚮落雨時會有人替他／她撐雨傘呢？？？ 相信過半數的人都是自己顧自己的吧！

537愛的鼓勵 0訂閱站台

報時訊號，依家係早上四時零四分，是主耶穌基督誕生的紀念日，哈利路亞！！

響平安夜的倒數前一小時，我終於去到大三巴，與往年不同的，就係今年仲同三位機構義工有組織地相遇（電聯），一齊聽詩班唱歌，然後行一大段路，邊行邊食野，有講有笑，好開心！

但在此之前，即係昨晚，我要返實習，仲去左附近的屋園到幫手預備居民大會，本來打算八點左右走的，點知都不知不覺地做到九點幾，而且有兩個義工亦俾面我而跟左黎幫手，不過佢地都係原本打算八點幾走的，可惜．．．其實對於我地實習生黎講，臨走前有得去見識下係幾好的，因為我個機構做唔到住，但可去睇人地哥個，所以我做得都幾起勁，唯一有少少問題在於當我負責點名哥座樓有較多人黎時，周圍既人太過得閒，走灑埋黎插嘴，但係．．大佬，點名紙得一張，咁多一齊去跟幾個人，又要簽又要睇，點做呀，咪只會俾人見到我地做得好亂．．．不過學得主任話：佢地今晚（應該話係昨晚）做得係有不完善的地方的，當見識下。而且仲見到個高三同學響現場出現添，原來佢係響到住的，仲俾佢偷拍左我既相添呀！！！

好拿，昨晚到九點幾，基本要做既野都做完，我打算交低Ｄ野我就同兩個義工走的了，點知同我機構個社工講叫佢幫手跟跟我哥座既點名，佢就懶巴閉話佢要睇灑個場，唔得閒理我；佢都癲既，我地主任只係睇我地機構哥八個人仔做既野，即係四座大廈，她要走到前面所以交低左即，甘成個場邊到哥個社工睇呀！！而且要黎的黎灑咁制，佢係要懶巴閉咁，我真係好想俾個中指佢，我真係火都黎埋，但我忍住忍住．．．與此同時，有個第三座（即我跟哥座）的住客來簽名，所以我無理個社工做左野先，之後點埋總數，就交低俾第二座的同學（她又係被另一機構派過黎幫手的）幫手跟，因為佢哥座無咁多人的，而且佢底得諗Ｄ，我仲同機構秘書講聲至走添，好彩事先已同主任和秘書講我會八點半走的，最後到我走時已經係九點十五分了。但臨走前，個社工仲要理直氣壯地話：你地走啦，我會跟架拿！呀(deee)佢呀，我要佢幫手時唔見佢咁講，真係逼迫佢個龍的凍丫！尼Ｄ咩人黎架～～～最後我地三人終於可以離開了。餘下正在等候居民會議結果既人在現場了。

響我個頭正冒煙既時候，哥兩個義工都正冒煙，因為成九點幾至走得，於是我仲要安慰佢地一番，不過好彩之後大家玩得開心，就咩都唔記得了。