^o^天上有天, 雲下有雲 ~.~ 在這個世界上又有幾多人嚮落雨時會有人替他／她撐雨傘呢？？？ 相信過半數的人都是自己顧自己的吧！

537愛的鼓勵 0訂閱站台

嘩~~~ 真係好耐無上黎留新聞了, 自從無返full time之後, 在家中又無得自由上網, 搞到我好似與世隔絕左咁, 唉!!! 我都唔想的, 其實八月到依家真係做左好多野, 八月響教會幫手英文營的頭尾預備工作(雖然其間無help太多, 太lazy了), 同埋協助帶隊上大陸, 頭尾咁就花左半個月時間, 其間仲病左一個星期, 好彩病完至去大陸咋! 返黎澳門之後又用左半個月時間陪從外地回澳門放假的朋友, 不過朋友似乎唔太知足, 唉~ 我都知既, 上半個月走鬼左去, 不過又難得我可以help教會手, 俾人話都係咁話架啦! 唔知係咪神見我咁有心幫手, 又知我rest左兩個月無返工, 係時候收心養性呢? 去完大陸返到拱北, 我都未過關, 就收到長途時間, 話約我第二日去見工喎, 原來係我個幾月前電郵應徵的parttime打黎的, 且去見工時個經理已經決定請我的了, 只係見一見我而已! 佢仲要肯就我將來返實習的時間添呀! 哈哈, 且過左幾日就開始返工了, 就係咁我就又有工返了. 好彩d野多數同我以前做的野差唔多, 都係paper work多, he!

九月份, 嘩~~ 勁了, 又病左兩個星期--扁桃腺發炎朣兼化膿, 吊左兩個星期消炎針, 手背全是針孔, 無返四日工, 少左幾百蚊了, 花左近二千蚊, 唉~~~ 我都唔太明點解會咁, 可能喉嚨太敏感了吧! 久病成疾, 都好既, 好過我實習至黎病. 因為我吊完針之後哥個星期就到我的人生另一階段--社工課程實習了, 第一次實習去左一間新開的社區中心, 又一個唉~~~ 我最唔想做社區的, 因為我最唔識, 尼科都要retrack的, 慘! 到now我返左三個星期了, 都仲係煩緊要做的社區工作, 煩搞d咩社區活動, 煩點找人返黎join, 因為中心現成人士唔多, ......

十月份, 由於時間上的衝突同小妹的情緒及身心完全負荷唔到, 搞到傻左, 自閉左兩個星期, 後來決定每個星期要約下朋友出街, 否則我驚我未實習完我就傻左要見精神科醫生了, 另外, 時間上太多突如其來的事, 搞到我MATCH唔到D時間, 好煩, 好內疚, 好唔好意思,.....

* 小妹好簡單咁講述左過去近三個月的近況, 如果有漏的話遲d再補番啦!

另外, 下個月又到一年一度的格蘭披治大場車了, 今年超想去睇11月20日的賽事, 因為哥日又係星期日, 聽講5年前同22年前尼日的賽事又係星期日, 我超想有哥張賽事票留為紀念呀! 不過我唔知哥日使唔使返實習同開組呀!! 因為依家我一至六都要返實習同返一晚學校上課, 但有可能被局住要周日開社區小組, 唉~~ 神呀! 求你放過我啦! 我好想周日放下假呀! 我好想去睇賽車呀! 今年我可能又會買一套大賽車的紀念郵票及首日封都唔定, 睇下今年既係咩樣先! 記得上年買左前年50周年的首日封, 好靚, 花左我百幾蚊, 但都覺得值得的, hehe!!