(呢篇野有d長,但真係想打黎幾日d野出黎........)
新年呢幾日呢,初一就同屋企人去左fishmen warf,首先去左babylon casino去
發個新年財,哈.....本來win左六百嫁,后黎又輸番兩百,不過好在有四百落袋,
跟住爸爸同家姐都一樣,win左錢,之后就好開心咁去開餐,去左一間意大利餐廳
食野,好開心丫.....平時都唔會黎尼到開餐,因為呢到d野食貴到喊驚咁,不過都
係babylon請姐,hehe......
初二同浩行街街果陣,寶玲打黎話去打麻雀,本身想推嫁...因為我都唔識打,之
后浩話教我,所以我就帶埋浩一齊跳上寶玲屋企開台,有寶玲,小欣子,小
芳......雖然我地幾個都住得好近,但好似好耐都無見過佢地啦,小欣子拍拖啦,
唔知幾時到寶玲同小芳呢,哈........尋晚第一次學識打麻雀,佢地教左我好耐
先識丫= =”不過原來打麻雀真係幾好玩嫁,尋晚$0.5一次,我同浩最尾win左
$2.5,hehe~~~不過打到三點周公就黎搵我啦...下次再打過啦.....
今日年初三,本身下午約左班同學仔去碌令,但最尾都係放左飛機,sorry...六點
幾同浩出街去買壽司食果陣,見到terry同米仔,米仔話佢出糧包房請唱k,
哈.........傾左一陣之后,同浩食完野去左打機,玩”泡泡龍”,我玩得好差丫,成
日都輸俾佢,點解= =”之后我帶埋浩同空手道班教練同師兄姐去左less love
bar,順便去逗利是,hehe~~好耐都無返過空手道啦,may叫我陪佢一齊升綠帶,但
我真係無時間,唯有等遲d先再升綠帶....浩係到我好乖丫,無飲酒,淨係飲左”大
眼仔”,我仲教阿may玩大話色,哈...同佢地玩左一陣,我同浩又再次溜左去打機,
打完機之后,我地就去左grand lisboa玩色仔機,不過輸左一百蚊....唔順氣之
后轉場去左英皇,不過出師不利,今晚總共輸左二百蚊丫.....>.<我深深體會到
點解賭博可以有咁大收益,因為有我地呢d人麻,死都唔服輸,不過我地兩個係英
皇入面食左餐勁0既,食得好開心.....補番數
p.s. 聽日開始要溫書啦,加油...仲有一個星期要考車啦,加油.....好驚唔得,記住等我丫,車牌........
文章定位：
人氣(71) | 回應(0)| 推薦 (
0)| 收藏 (
0)|
轉寄
全站分類:
不分類
