麵包心情 忘記心中不快... 迎接每天歡欣....

5愛的鼓勵 0訂閱站台

二零零七年六月十九日
今日係端午節呀..但係無咩特別!原本約左阿光,simon哥哥同埋阿marc四個
開枱架..但係阿marc要陪爸爸所以今日就好無聊咁係阿joe到睇左成個下午碟
因為佢唔舒服,流感呀..咁我就買野食俾佢之后就係佢到睇碟無出過街仔..
因為琴晚玩得太顛啦..所以今日都唔想郁..琴晚玩到成今朝六點幾呀...傻左呀!
世事真係奇妙呀...原本無諗過的事突然間黎得好快...真係好搞笑
琴日原本約左angela,阿marc同阿win去飲埋支存酒但到最后都無去..
以為今晚會乖乖地會係屋企啦..點知竟然玩到傻左,玩到成六點幾...
點解會咁顛咁就要由朝早講起啦...
今朝早八點幾,我都未起身阿joe就打電話俾我
佢話:”我依家係鏡湖呀,你等陣放工有無野做呀,幫我羅d野上黎呀!”
我問佢:”仲咩阿?做乜無端端係e院ge?”
佢話:”我前晚發高燒吊左成晚針,可能係流感要住院!”
我話:”係啦..我到時放工打俾你啦!”
就係咁..我就同angela講阿joe病左我今晚唔去唱k啦..
之后就無去到阿win到...
我六點放工就約左angela去左八佰伴行左陣就幫阿joe買床單..
之后買埋野食羅埋俾佢之后我就自己買壽司返屋企食!
九點幾到啦...我同阿marc就約左去澳門蛋look ling呀...
一係就無野做..一係就一件接一件..
差唔多look完到..大概十點幾,十一點阿ming姐姐打俾我呀..
問我今晚有咩搞,我話無呀,我依家係到look ling.
我話simon哥哥過左黎呀...一係食宵夜羅..
之后我地約左十二點幾到去黑沙食燒烤..
係十一點到十二點之間..我就同阿marc去左遊車河因為未夠鐘呀
到左十二點到我地兩個就去左羅位先..
我以為淨係得我,阿marc,ming同simon四個人..
點知..原來阿光都有黎...
自從係一月份到依家係第一次見阿光,因為除夕的事件后..
阿光的女朋友同佢協定,如果有我的地方,阿光係唔會黎..
但係點知今次佢竟然一齊出埋黎
我地五個人都玩得好開心...係黑沙玩到成二點幾呀..
之后阿光話成二個月無唱過k之后我地就去左forever..
成三點到去到..咁就一玩,玩到成六點...
係今晚的過程中..阿光同我講,對阿燕(即係佢女朋友)開始厭...
唔係我睇到佢地咁好..
成晚裏面..大家講返好多以前的野..我feel到佢好似仲鍾意我..
阿光成晚係咁追住我黎玩..
仲話我:”依,你叻左好多喎...”
仲話我早排同佢以前d朋友去唱k都唔叫埋佢..
我話傻咩..點叫你呀..惊你俾人鎖look呀..
佢話..傻啦..我呢d除時解鎖架...
成日追住我玩..都幾留意我同以前有咩變左..
當我幫佢點佢首飲歌光良的”第一次”佢唱的時候.佢竟然問我,你記唔記得我地ge第一次呢?
我對佢笑左笑...我好突然佢會問個咁的問題..
之后我問佢..佢女朋友唔好咩...
佢同我講..你唔係唔知我架..我同左佢都兩年啦..開始悶啦..有d厭啦..
我即刻話..哦..咁即係話我同你以前都係因為咁而散啦..
佢話..當然唔係啦..你知咩事架!
我當然知啦....
不過估唔到由你二家姐即係(kathy)係除夕后同我講的說話跟你依家的係
唔同,真係令我吃了一惊!!
我記得戈日kathy同我講,佢話:”阿儀,好彩你同我講你依家唔會同返我細佬一齊渣,你又係我個fd,阿燕又係佢依家女朋友,手掌又係肉,手背又係肉..都唔知點算好!你又靚又叻,我細佬真係襯你唔起架!好彩依家听到你咁講姐..
加上我細佬同我講,話佢最鍾意都係阿燕,佢依家仲草錢打算同阿燕結婚,我真係未見到佢咁...好彩你對佢無晒野渣......”
但係今晚見到阿光又講呢d野...真係令我覺得..kathy你係咪想講d野令我走呀!
係你都唔駛咁講姐....我記得點答你,我話如果我仲鍾意你細佬我就唔會唔做野啦..我會成日打俾佢添,我既然知佢地一齊我絕對係唔會破壞人地...做第三者..因為我受過呢d傷..所以我絕唔會咁做..加上上次除夕係你細佬做到佢女朋友嬲唔係我..你唔雖講呢d咁難听的說話我听呀...
算啦..過去左..我都唔想再諗..
只不過今晚阿光做的野講的野令我覺得kathy你講的野好矛盾姐..
anyway,take it easy!
不過阿光大家一齊玩去唱k當然無問題啦...
大家始終都係好朋友...
雖然我唔知你地兩個點相處..但係珍惜眼前人!因為可以同自己所愛能夠一起係件好幸福的事..唔好無左先后悔....