點解呢個社會有一大班痴線ge人存在.................
佢地唔用腦諗野，一d理智都冇，覺得搞亂個社會先係佢地作為市民ge責任..........................
講緊ge，係2007年5月1日澳門ge大遊行。
我當然冇參與遊行，我只係從電視上得悉一切。諗住上年ge遊行已經夠嚴重——果日好記得係星期一，因為第二日學校舉行歌唱比賽，所以我去左下環搵果個負責人拿獎杯；架巴士行到沙梨頭-海邊新街果陣塞到不得了，經新馬路口果陣見到一大堆人唔知咩事，後尾先知原來有大遊行，搞到新馬路的交通完全亂晒龍，影響商戶又影響遊客，更影響廣大市民。今次真係估都估唔到，混亂情況係上一年ge十倍！！今朝睇新聞時，香港電視台ge新聞頭條係「五一黃金周旅客有xx萬人次」，第二線頭條講香港遊行，第三線先輪到澳門還未開始的遊行。六點鐘新聞一睇真係嚇一跳，所有電視台頭條：「澳門五一大遊行，警員向天開五槍」！睇返畫面，d遊行人士簡直係失控，又推又踢又迫又癲又嘈又掟野又唔守規矩，完全冇水准冇紀律冇秩序可言，警察屢勸不聽，更加有滿頭白髮ge阿婆跌低左(好心佢啦，一把年紀示乜鬼威，你果d叫退休唔係叫失業呀話)，開槍都在所難免je！睇片都咁混亂，現場就更加唔使講啦！據講唔止麗都天橋，就連提督馬路都有阿婆阿伯跌親，咁樣ge遊行，究竟有咩咁重要、咁迫切、咁大件事要去宣揚同抗議？！
最睇唔順眼就係一班「搞屎棍」ge議員！！遊行前就話要「和平、理性地進行」，屁！身為議員，一個在公眾場合中，以基本法為前提作出所有言行的官員，睇清楚d本小冊子先企出黎講野啦！你地身為公眾人物，一言一行係會影響市民，影響社會形象架！竟然對住鏡頭大言不慚，完全唔覺得自己，甚至遊行人士有任何錯誤。阿公務員代表議員，雖然我拿你ge獎學金，但唔代表我會幫你講野~~你班公務員好得閒喎，得閒到自己本份都未搞掂就一齊遊行，唔該你地自己檢討下先啦，你地都係政府一份子，居然仲「手指拗出唔拗入」，將矛頭指去政府度？真係痴線……！另外，區同志，講野前你係咪習慣性唔經大腦架呢？定係恃住「我讀書少」呢個不變的理由？咩叫「手無縛雞之力」？幾廿個水樽掟埋去，一排排雞蛋飛過去，知唔知有幾浪費？呢個世界上冇乾淨水飲ge人有幾多！日日餓住肚皮ge人有幾多！你地遊行人士有咩咁巴閉呀！！而且，畀一個雞蛋掟中，同畀一舊石掟中，表面傷害可能係舊石重d，但係中雞蛋受ge恥辱比石頭多一萬倍！身體和心理上的都已經造成傷害，更有排山倒海的輿論壓力，而你居然當眾大大聲咁話市民「手無縛雞之力」？真係可笑至極！！
好多人覺得成件事唔應該淨係睇個警察開吼五槍，又或者遊行人士點瘋狂，而應該從根本去分析呢件事點解會發生。但係我冇興趣牽涉入政治漩渦裏面，因為一旦分析，就會不能避免咁有一個政治立場係度。我只想講，唔係真正生活係澳門呢個社會裏面，你永遠都唔可能知道，亦都冇資格批評邊個o岩邊個錯！係呢度想借用某人ge一句說話(好抱歉，真係唔記得邊個講架啦)：「你唔鐘意，或者唔適應呢種制度ge話，咁你咪離開囉！但既然你留係度，點解仲要對社會、對制度諸多不滿呢？」
- 完 -
文章定位：
