心 心的情愫、點點心語、影下一刻、拼肩同齊霧與露。 不遠的心有著不近的路，落霞還是晨初決定在你心。 心正跳動著⋯⋯我的心電圖。

3愛的鼓勵 0訂閱站台

7：30am就要食餐了，不過唔洗morning call。因為六點半左右先來一次常規性測血壓、心率、體溫，跟住就係又抽血了…唉。
早餐過後就被推進抽血房。一間房2張床要躺著抽血（不是坐著架），8：45am開始直至12：30am完結。但要到1：45先出得呢個門口＂=•=……＂
過程我驚！！但唔敢同家姐講。因為雖然我的血好靚無問題，但係我的Ca唔夠，抽血時下降指數太快，至使我抽血時上半身痲痹、呼吸困難，過程中分別食左4粒唔好味的Ca片都無用=*='要急call醫生囑咐下then再吊2支鈣（一般都係吊一支架咋）的液體比我，不過並不能立即舒緩我的呼吸困難，要等藥效發揮…其間祇能靠自己用力地呼吸。
（P.S佢地話我對呢個抽的過程反應過敏。一般情況無咁大反應，過程中我的血由頭到尾都是優良、血壓亦正常。到最後set機的阿sir最後忍不住問經我同意後拍下我手臂上血管的血色作為教學樣本。）

之後做埋心電圖，常規測試一切正常後身體無咁痲痹就被扶上輪椅，推回病房休息。

1。當中痲痹令我好無力亦好無奈！！要護士姐姐們一步一步慢慢地扶上扶落及去廁所（因為吊左戈2支Ca水的關係）。
2。痲痹其實好可怕。一度令我嘴部收縮，變小形0嘴緊用來呼吸、頸部肌肉收緊令我呼吸困難、手部疆硬不能如常打開、胸部腹部盆骨都像被無形的東西壓著一樣地痲痹。
3。好多的第一次，真的不是一個好受的過程。
4。值得一讚的是護士們好細心好溫柔地為你解決及解說身體上的不適及困惑。令你會更安心及更有信心去堅持一些治療。
5。抽血的呢2支針（一進一出，左手抽出右手輸入）好痛架！一來粗、二來感覺拮得深。一D都唔似常規性抽血輕微的小痛！！！
好好彩抽一次就夠曬數！！再多一次我怕會受不了……不過需要亦要的，就拿去吧！！學D護士話齋：1日係好彩，2日係正常，3日祇好認了）

P.S 最後呢個抽血不是一般的抽血，而是我對它的簡稱罷了。