Bubibubibu..... 我的名字叫包姐!

193愛的鼓勵 0訂閱站台

HAPPY NEW YEAR~

O甘快又一年了,總結今年又係發生好多事,第一次派利是;第一次獨自踏入歐洲,雖然係因為工作但都係寶貴經驗,都要多謝前老細,雖然後尾不歡而散;工作上,年中有點錯節,做野衝動,但明天真係會更好,托賴轉左工一切好過之前,呢度好多野都要自己渣主意,但見到自己仔仔女女出世特別開心,雖然做得唔夠好,今年一定要更加努力.

家庭方面,同怪獸都係o甘,時而吵架,最近吵o既一次,佢話我唔好下下起晒槓,佢講得o岩我就係o甘,呢句野會袋住,唔好再o甘衝動. 嫁左之後同爸爸媽媽少見左,更加珍惜同佢地見面o既機會,一家人多左衝出東涌去其他地方食野好開心. 

今年最唔開心就係ar cake 走左,好突然好短暫,點解每年都要發生呢d野...永遠記得大家最後陪伴cakecake o既日子,幸好奶奶很硬淨,好快冇事.

2011最後一日同爸爸媽媽食個飯,返屋企睇電視迎接2012,最後有單野真係有d hardfeeling,明白唔係所有活動都老奉要預你....成件事係自己小器,但將心比己,如果係你又會唔會有呢d感覺呢...老實說真的很介意,聖誕已經覺得怪怪的,明明一班人,明明是我介紹佢地識,但感覺自己像搭枱,影相也只會佢地自己影,可能我對於佢地O黎講只係一個幫手渣機O既人而已...自己做錯了什麼呢,明明為左大家開心已經盡力了,已經同自己講睇開D,唔好諗O甘多...今次真係爆發左出O黎,怪獸醒左一句,當一切都係bonus,係o既,呢句野係我成日都同jamie講,記住呢句野個心會舒服好多.

2012要開開心心,有朋友講得好o岩,有沒有未日唔重要,最緊要係珍惜身邊o既人,ar芝微博到數365日,每一日都要一件事出o黎,真係幾好,當你想像日子唔多o既時候,就會更大膽,更會的起心肝去做一件事,更會珍惜身邊o既野.自己都開左個每日一畫,每日都要keep住畫,多做自己想做o既野,時間寶貴,唔好side時間執著,將d心機留比屋企人同那些真心對你好會理你感受o既朋友仲好la.

努力~