Bubibubibu..... 我的名字叫包姐!

193愛的鼓勵 0訂閱站台

今年雖然沒有去書展,但最近都睇左幾本好東西,真要推介一下.

<<宇宙不安學會暨門小雷繪圖筆記本>> By門小雷

門小雷係我最喜歡o既一位插畫/漫畫家, 對於佢o既作品我總有一種飢渴感,就是對佢所畫o既任何東西總係看不夠,總是再想看多些.今次呢本書超級期待!

係集結左之前o係milk o既連載同一d佢由13歲至現在畫o既畫,真是完完全全一本繪圖筆記本.好多都係佢o既故事或夢景.小雷用畫畫形式加少少文字就可以表達倒佢發天馬行空o既夢,睇完都意會倒係點.

奇怪夢我以前都會常發,有時畫面燦爛得醒來有畫起佢o既衝動,可惜最尾都係唔識畫而爛尾.

 另外,睇徐光榮o既故事有些好熟口面o既情節睇到會會心微笑,小時候自己都有發生過(就算現在都會發生),一些"火羅"事,一些到大個左都唔想提起o既不快事,一些怪幻想,一些自己唔想承認有o既蔭暗面....原來同徐光榮真係幾似, 睇埋後記,原來故事都係小雷或朋友o既經歷,會這樣o既人不只我一個,自己都係個常人je,小時候o既事都唔洗再耿耿於懷了.

 仲有看得窩心o既擁抱係列,好喜歡!

http://www.amptoons.com/blog/archives/2007/12/31/neat-wow-images-beginning-2008-with-some-hugs/

每次睇完佢o既畫都會撩起畫野o既火,縱使畫得唔好,比佢影響都算幾大,自己都有一本小畫簿,都係因為3年前有日o係佢blog睇倒佢scan左自己本畫簿,比佢d畫吸引,驚嘆有別佢平時畫o既漫畫.自此就開始畫自己o個本.諗起件舊事,上年搵工,帶住份垃圾portfo去見 2%,in我o個位仁兄,睇完我份portfo 問我有冇其他野可以表達自己,當時好彩有帶畫簿仔o係身,雖然畫o既野同時裝冇關,亦知道自己無望,都膽粗粗拎出o黎比佢睇.surprise佢好似好鐘意睇o甘,睇晒每一頁,佢算係第一個肯睇o既人,最尾佢話好鐘意,呢本畫簿先係表達自己o既野,但可惜佢地今次係請fashion design,唔係fashion graphic design...好記得佢話如無意外會可以2nd in,叫我繼續努力畫好呢本野.最尾當然冇收到2nd電話,係失望,但諗返,都係呢位仁兄o既另類鼓勵.就係o甘繼續斷斷續續地畫,呢本畫簿冇進度可言,想畫就畫.剛好3年,最近先畫埋最後一頁了,要開第2本了.

 講返小雷,真係好勁!斑斕又帶點懷舊o既色彩,好喜歡佢o既風格.睇完又有畫野o既衝動了.

繼續努力ar小雷,期待將來出第2,3,4,5,6,7.......本

由於o岩o岩睇完,感受特別深,少有打o甘多字...其餘幾本好東西下次再推介.