原本今日去探ar mui開開心心的,最尾因為一句嘰吉,搞到不歡而散.
我並唔係因為執住你o個句而發難,唔係想放大你o個句,而你諗諗最近,總覺得我做咩你都嘰吉我.可能係吉來吉去係我地相處模式,但不要太過份,也不要得寸進尺.
影相又吉,要你幫我渣機,吉幾句我忍你;有時我影你,你唔想出鏡你吉我,理所當然我接受的;今次我只是影一張我想影但你覺得無謂o既相,又唔係影你,又唔你叫你渣機你吉什麼???是因為我阻了你一,二秒等待,還是覺得我在這裡影相很丟你面ar????
晒相又吉…買相機唔洗講la……我過份,你買模型咪一樣…我唔會再作最後一部o既承諾,用自己$買有咩問題,如果我再遇到dream cam我係會爭取,唔會再理你的.
聽concert又吉…買cd 支持喜歡o既歌手又吉…
學結他又吉...打從我話想學結他開始已經嘰嘰吉吉,個個都叫我加油,點解係你唔支持我??每次上堂要拎住結他出街會不便,好感激你幫我拎,但點解次次都係幫我拎o既時候總會比說話我聽,或是有面色睇???我可沒有主動要求你幫我的,如果是這樣,我寧願自己拎都唔求你!
唔著裙又吉,買衫唔係買裙又吉,記得拍拖冇耐也為呢d o野嘈過,我唔係你barbie公仔!!我點著關你干事?我有冇要求你點著點著ar?
拎d舊衫去回收,你吉我,有時有你o既有道理,因為有時我都覺自己幾浪費,有次我只係諗住將d 舊衫改當新衫著,你又吉...
食早餐lunch出街食又吉…
遲遲未body check 吉,吉得o岩,我接受,但你都諗諗你自己,成日話牙痛,叫你睇牙醫你唔肯,唔好有口話人冇口話自己.
今天見倒上次趕ar mui走o個條低能女,我只想比幾句說話佢聽.串佢幾句,你又吉…我冇認錯人!!!有時遇到衝突,錯不在我們o既時候,你會選擇多一事不如少一事而唔反抗.我要還擊o既時候你又吉….
有時激氣爆幾句粗,又吉…
想早d訓又吉….想12點訓,一點也不過份吧…
差唔多日日都有機會比你吉幾獲,我做咩你都吉,無論我岩定錯你都吉,我究竟仲有冇值得你欣賞o既地方ar???可能拍耐左越覺得我唔順眼,既然我o甘唔順眼咪唔好勉強lor,你大可以再搵過個聽教聽話,我都想搵個真心支持欣賞我o既人,就算搵唔倒寧願一個人耳根靜都唔想日日比人嘰嘰吉吉…
有些問題之前已經嘈過,到頭來仍會發生…合則來不合則去,無謂勉強…
文章定位：
人氣(251) | 回應(0)| 推薦 (
0)| 收藏 (
0)|
轉寄
全站分類:
不分類
