24h購物| | PChome| 登入
2005-07-21 23:49:31| 人氣44| 回應0 | 上一篇 | 下一篇

閱\讀報告

推薦 0 收藏 0 轉貼0 訂閱站台

呢幾日睇左4本書,又係o個d圖多字少o既書.
第一本唔記得叫o麥鬼金句,睇完都好似冇o麥得著,勝在夠新淨,冇鼻屎,圖多字少.

第2本"隱形人", 一個男人由細都到大都係隱形,佢冇o麥過人之處,做事循規蹈矩,安安份份,黑黑板板,我諗可能佢唔係真係隱形,只係佢太平凡,好唔起眼,同呢個社會溶合左,d人睇佢唔倒,好孤單...後來遠離城市,去到一個郊區生活,漸漸地佢面容變得清晰.佢雖然係呢個故事o既主角,但唔會好似童事故事o甘由隱形人變成靚佬,佢個樣都係o甘平凡.雖然佢平凡,但不過覺得佢心地都唔錯.
o係呢個社會上有好多隱形人,有一個就係我.

第3本"卡先生與他的憂鬱鳥", 卡先生養o既鳥患上憂鬱症,卡先生好錫佢d仔,
用盡辦法令佢地開心d,但卡先生唔明自由先係醫治佢地o既方法,唔係淨係比個瓦遮頭及安樂茶飯就得.後尾佢都係放晒d雀仔,但自己就患左憂鬱症,佢都需要自由.

第4本 "妙妙與鯪魚" 一隻貓同一條魚o既友情,好簡單o既一個故事,條魚次次見親
妙妙實問佢借o野,借完又唔還,又會放人飛機,可能魚o既世界冇o麥時間觀念.
我地一般人會覺得條魚一定係搵笨,但係妙妙從來冇o甘諗過.個故事就係想講
呢段簡簡單單o既友情.確係幾無聊.

而加仲睇緊係幾米o既履歷表.

我要檢舉
台長： Bubibu

您可能對以下文章有興趣

人氣(44) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文