1)我发觉佢行路真喺好快，好似俾人追紧债咁，而且仲要左手拎plastic袋右肩抷手袋个只。
2)我发觉佢可以一口气讲一句很长嘅嘢冇停过，你根本唔会察觉到佢在边个位换气嘅，同埋会很少睇到佢思考嘅表情出现就已经出口成章咗。成晚落嚟我同佢对话嘅比例可能喺佢讲七句我讲三句或两句咁多啫。
3)我发觉佢唔熟嘅嘢就真喺一点都唔熟嘅，唔会话喺你面前扮识。但如果聊到佢有关行业嘅时候，你会感受到佢嘅眼睛发射出前所没有嘅万丈光芒，那份自信可以整到我坐diamdiam听佢讲嘢。
4)在大原则下佢很清楚知道自己要乜嘢，但当选择出现嘅话佢就会心大心细唔知拣边样好，佢可以为咗迁就5已去改变已经决定咗1，2，3和4。但呢5样嘢都喺围绕住佢所要嘅概念而衍生。
5)如果斋睇佢嘅外形你绝对唔会联想到佢和迷信摆埋一起，但喺我发觉佢超乎我想像中迷信，行径直逼神婆地位(拍抬问米个只)。
我问：“咁个日你有冇烧炮仗？(语气很明显喺度嘲讽紧佢)
佢仲好认真答我：“烧炮仗就冇啦，不过个日就有拦火盆。”
我听后顿感逼戚，背后仿佛有只乌鸦慢慢飞过。
6)个日佢讲要买个熊仔布偶，我以为放喺车里面或当屋企嘅摆设，但佢话喺俾佢屋企个只爱犬咬嘅，因为之前见佢嘅爱犬咬熊仔咬到好开心，所以买只俾熊仔咬。可能佢嘅理解喺“咬”等同与“玩”。但我脑海浮现嘅画面爱犬咬住个布偶熊仔的确几搞笑。不可思议估佢唔到嘅奇事又添一桩。
文章定位：
