♡三月二曰の大圍人食飯♡＠我的青春，小鳥一去不回來 ܤ

2007-03-04 23:58:44| 人氣91| 回應3 | 上一篇 | 下一篇

♡三月二曰の大圍人食飯♡

推薦 0 收藏 0 轉貼0 訂閱站台

下午小馮就打比我, 佢叫我準備好錢去門口接佢!!（人地唔知仲以爲綁票）
後來我左等右等都唔見佢, 又開始捻佢會唔會有意外之類葛好多傻嘢。
等等等.......突然佢喺窗度叫我開門!!!
我: 又話叫我等妳電話???
小馮: 無牙! 想比個驚喜妳咋痲!!!
我: 扯...甘叫驚喜 =.=!

原本佢話摞番個直衝就馬上番屋企食住家飯
點知...猴子打電話話一齊食飯佢就馬上對全世界宣布唔飯屋企食!!
眞係非常積極, 之後佢仲誣衊我!!!!!
話之所以應承去食飯係因爲知道我想出街 =_=!!
後來我衝涼洗頭化妝之後就去左阿叔度坐.
同佢地玩左好多兒時游戲（潜烏龜）
我仲做左兩次烏龜Tim. 哈哈哈

等左一段時間, 婉雯&猴子終於出現
佢地個個都吵住要食嘢...之後去左蜀福來!!!
點知去到蜀福來門口大輝又話唔好食
（其實我覺得幾好食葛. 不過唔好意思出聲啫）
後來我地又番翻西華路果度食. 一大班人一路講笑一路食飯
都幾開心葛. 雖然我同閪斌, 鶏謙唔係甘熟
不過都覺得佢地兩個好搞笑!!!!!
後來閪斌偷影我. 影得好様衰
我果陣眞係有D嬲...突然好想喊葛感覺
因爲我心捻: 我自己已經唔靚, 妳又影到我甘
心裡面突然捻起最近某D唔開心葛事, 所以好想喊!!!!
後來佢怕我嬲, 喺我面前删曬!!!
之後仲摞鶏謙一張傻佬相氹我笑Tim

我承認...最近心情因爲某人特別差（唔係小馮）
捻嘢比我平時更加悲觀. 思想好偏激!!!!! 唉
食完飯我地一圍人去左打痲雀. 今次我好有信心可以學識打痲雀!!!!
佢地好有耐心回答我葛所有疑問.
猴子叫小馮讓我上場體驗下, 之後我拒絕左!!
其實我眞係好想試下葛!! 因爲怕唔識比人知道我好蠢
所以怯到唔敢上場.......我成曰問我自己
點解做人做到甘失敗! 好多時自己可以勝任葛嘢
都因爲我膽小, 因爲我葛懦弱而失敗.
講離講去都係因爲我對自己毫無信心!!!!!!
捻極都唔明. 捻離捻去都捻唔倒點解一索唔係一條會係隻雀仔!!

我坐喺小馮隔離, 一路坐一路痛
其實我食飯果陣個肚已經好痛了!!!!!!
不過知道佢想一班人甘去打下痲雀, 所以唯有忍住肚痛
後來忍到忍唔倒, 我就猛問佢仲有幾圈?? 究竟仲有幾圈打完????
當佢同我講"仲有八圈!!" 我簡直好似喺懸崖度跌落海葛感覺
我繼續忍...一圈一圈甘數, 數數下自己都訓埋!!!!
當然再一次證實我係傻葛!!!!!!
等到迷迷糊糊, 佢地終於打完了!!!
好嘢!! 眞係好叻. 我地鶏哥竟然輸左百幾蚊!! ._/.***
好嘢!!!!! 鶏哥妳係得葛...今晚我帯左兩百幾出離
番屋企數下竟然得番五十幾??????????

我眞係好氣... 我深深感受到痲雀對我一向純潔生活帯離葛危害!!
猴子一直同我講: "到妳識玩妳就成曰都要打葛了!!"
痲雀令我輸左百多元!!!!! 本來嬲嬲地暗地决心唔再學痲雀呢種毒品游戲
但係捻深一層...我今次輸葛百幾蚊咪跌落鹹水海?????
所以我又一次對天發誓"我黃某某...一定要喺零七年學好痲雀, 唔係就..."
發完誓之後, 我好似衝左電甘突然精神左好多!!!
總結今晚係過得十分有意義葛. 因爲我身邊好多賭徒教我

我要檢舉

#♡痲雀痲雀♡

台長： Queen biBee

人氣(91) | 回應(3)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(3)