♡大年初四の解决被遺棄的小猫♡＠我的青春，小鳥一去不回來 ܤ

2007-02-21 20:44:09| 人氣57| 回應0 | 上一篇 | 下一篇

♡大年初四の解决被遺棄的小猫♡

推薦 0 收藏 0 轉貼0 訂閱站台

（傻貓仔未衝涼之前...佢好驚牙！！縮埋一團甘...好得意葛）

我成晚都無訓...捻住傻貓仔D嘢根本訓唔倒！！
後來馮先生主動打電話離求和...哦！原來佢又出左去同人食宵夜
見佢求和, 我就直接叫佢離我屋企見下傻貓仔ｃ３ｃ
我將好多嘢攤開離講...佢雖然好似心不在焉甘
不過佢有應承我話改！！！當然我要睇葛係行動并唔係應付！！！！！
傾傾下佢隻淫眼同淫手已經唔知望左同摸左去邊了
次次都係甘, 之後我同佢搏鬥左十幾二十分鐘
之後我地傾左一陣計佢就訓左了！！

我决定左今晚唔訓教！！！！！
因爲我怕一訓傻貓仔會比人掉左, 所以我要保持清醒
到媽咪起身了, 最後都比佢發現左我收埋傻貓仔
媽咪怪我多管閑事...仲話早知唔話我知貓仔葛嘢喎！！！
之後佢赶住上班, 我趁佢一走就將傻貓仔捉去衝涼
佢好拽葛...又怕水！！不過洗洗下佢乖左好多了
洗完我用風桶吹乾曬佢D毛毛
佢好乖叫都無叫過一聲...吹乾完D毛毛之後
我抱住佢喺大比度, 一路摸住佢一路打字！！
傻貓仔見我打字佢就叫, 係都要我摸住佢
後來我同傻貓仔一齊玩手指...佢好鍾意玩牙！！！！
總之同佢一齊好開心。

不過因爲媽咪今曰好早番離, 所以我唔可以放佢喺屋度
菲菲果個阿姨話酷頭果個阿姨可能會養, 於是叫我將傻貓仔摞出離！
摞左出去之後, 我上床同馮先生訓一陣...
跟住我就同媽咪去左超級家庭大聚會了！！！！
又聚會...悶到死！眞係唔去好過去

去完酒樓大聚會之後, 我番到大院
竟然發現傻貓仔唔見左！！！我眞係好怕佢走失左
於是猛問看門口果個阿婆, 我問佢個箱果隻貓仔去左邊度？？
佢以爲我要摞番個箱...佢死話個箱呢様個箱過様
唉！！！眞係妳有撞聾定點啫？？？
後來佢先講181二樓果個女摞左貓仔..話問佢朋友要唔要
睇佢都知唔要拉！！如果要葛使咩講甘多嘢牙

番到屋企馮先生同我嘈交...佢話我D衫堆到一座山甘
我狡辯話呢D叫做行爲藝術！！！之後唔知講左D咩我地又開始講笑
因爲佢猛話我果兩座山, 所以我比佢激到又喊又笑
最後佢都氹番我, 氹我唔好喊！！！

我送佢走果陣, 眞係見倒果個嘢唔要傻貓仔
又求期掉傻貓仔去個箱度...我眞係好嬲！！！！
忍唔住又鬧果個嘢, 我嬲嬲地跑番屋企摞袋摞錢先飛的送馮先生番屋企
再飛去中山四寵物醫院度寄養傻貓仔

捻住去檢查...點知果個醫生話傻貓仔係流浪貓
如果要檢查根本唔知檢查邊様. 有好多項檢查！！！
後來佢帯我去隔離寵物用品店度寄養
好唔舍得佢牙...佢好依賴我！！我眞係好鍾意佢
可惜媽咪唔可以比佢留喺屋企...佢話三隻貓已經夠煩了
衣加加多妞妞, 叫我捻都唔好捻喎！！
希望傻貓仔可以快D有人收養佢拉...佢甘可愛

今次將傻貓仔救番離之後, 媽咪同馮先生都指責我！！
佢地异口同聲甘話我係：“無嘢穏嘢離搞...成曰穏麻煩落自己度”
點解要甘講？？？講我無所謂, 但係唔可以講我做葛呢件事！
我一個决定就可以扭轉倒一條小生命葛命運
點解我甘做係錯？？當然, 按照我慣性我行我素葛風格
下次再發現倒流浪貓仔我一樣會救
我會救佢地救到我老左, 救唔郁爲止！！！！
希望大家向傻貓仔祝福！希望佢可以去一個有愛心葛家庭快楽甘成長

我要檢舉

#♡絕不後悔救小猫♡

台長： Queen biBee

人氣(57) | 回應(0)| 推薦 (0)| 收藏 (0)| 轉寄
全站分類: 興趣嗜好(收藏、園藝、棋奕、汽機車)

回應(0)